19 qazanǵa arnalǵan aýa raıy boljamy
ASTANA. QazAqparat - Sársenbi, 19 qazan kúni Qazaqstan aımaqtarynyń basym bóliginde atmosferalyq frontaldy bólikterdiń ótýine baılanysty keı jerlerde qar túrindegi jaýyn-shashyn kútiledi.
Ońtústikte jáne ońtústik-shyǵysta jaýyn-shashyn mol jaýady, jaýyn-shashynsyz kún raıy tek batysta boljanyp otyr. Keı aımaqtarda sondaı-aq, tuman, kóktaıǵaq, jaıaý burqasyn bolady, 15-23 m/s jyldamdyqta jel turady, dep habarlaıdy QazAqparat «Qazgıdrometke» silteme jasap.
Atap aıtqanda, Jambyl oblysynyń jekelegen jerlerinde tuman, kóktaıǵaq kútiledi, 15-20 m/s-pen soqqan jeldiń ekpini 23 m/s-qa jetedi.
Qyzylorda oblysynyń keı jerlerinde kóktaıǵaq, 15-20 m/s jyldamdyqtaǵy jel 23 m/s-qa kúsheıedi.
Batys Qazaqstan, Qaraǵandy, Shyǵys Qazaqstan oblystarynyń keı jerlerinde tuman, kóktaıǵaq kútiledi, jel 15-20 m/s kúsheıedi.
Aqmola, Soltústik Qazaqstan, Pavlodar oblystarynyń jekelegen aýmaqtarynda kóktaıǵaq, burqasyn bolyp, 15-20 m/s jyldamdyqta jel turady.
Qostanaı oblysynyń keı jerlerinde tuman, kóktaıǵaq, jaıaý burqasyn bolady, jeldiń ekpini - 15-20 m/s.
Almaty oblysynyń jekelegen aýmaqtarynda tuman, kóktaıǵaq, 15-20 m/s jyldamdyqta jel boljanady.
Mańǵystaý oblysynyń keı jerlerinde tuman kútiledi.
