19 qazan. QazAqparat kúntizbesi
19 qazan. JUMA
Qutqarýshylar kúni
Qutqarýshylar kúni Qazaqstanda jyl saıyn 19 qazanda atap ótiledi. Bul ataýly kúnniń bekitilýi elimizde Tótenshe jaǵdaılar jónindegi ortalyq memlekettik komıtettiń qurylýymen baılanysty.
ESTE QALAR OQIǴALAR
1928 jyly Qaraǵandy oblysyndaǵy Qarsaqbaı eldi mekeninde Jezqazǵan taý-ken metallýrgııalyq kombınaty («Jezqazǵantústimet» aktsıonerlik qoǵamy) quryldy. 1997 jyly shildede «Jezqazǵantústimet» aktsıonerlik qoǵamy negizinde «Qazaqmys» korporatsııasy quryldy. Korporatsııa mys jáne kúmis óndirýden Qazaqstanda birinshi orynda bolsa, mys óndirýden álem boıynsha alǵashqy ondyqqa kiredi. Jezqazǵan aımaǵynyń damýyna, taý-ken metallýrgııa kesheniniń qurylýyna qazaq ǵalymy Qanysh Sátbaev kóp eńbek sińirdi.
1957 jyly Petropavl qalasynda alǵash ret oblystyq aqyndar aıtysy ótti.
1989 jyly Semeı polıgonynda sońǵy (221-shi) ıadrolyq jer asty jarylysy júrgizildi.
2004 jyly Memleket basshysy Almatydaǵy rezıdentsııasynda NATO-nyń Bas hatshysy ıAaap de Hoop Shefferdi qabyldady.
2005 jyly Taraz qalasynda «QazTransGaz» AQ qarjysyna salynatyn «Taraz qalasynyń sport saraıy» sport kesheni qurylysynyń ornyna alǵashqy qada qaǵý saltanaty ótti.
2005 jyly «Qazposhta» AQ Estonııa poshtasymen birigip, eki el arasyndaǵy mádenı baılanysty nyǵaıtý maqsatynda «Ańshy ıtter» taqyrybyna arnalǵan jańa poshta markasyn shyǵardy. Jańa markada qazaq tazysy men eston tazysynyń sýreti beınelengen.
2010 jyly Almatyda qala tarıhy murajaıynda qazaq halqynyń birtýar batyr uly, qaharman qolbasshy, jaýynger-jazýshy Baýyrjan Momyshulynyń týǵanyna 100 jyl tolýyna arnalǵan "Rýhyńa bolashaq bas ıetin, umytylmas erligiń qasıetiń" atty kórme ashylyp, kezdesý ótti.
2010 jyly QR Ulttyq banki 2011 jylǵy VII qysqy Azııa oıyndaryna arnalǵan nomınaly 500 jáne 5000 teńgelik eskertkish kúmis shaqalardy aınalymǵa shyǵardy.
2012 jyly «Habar» agenttigi» AQ quramyndaǵy táýlik boıy jańalyq taratatyn «24KZ» (qazir «Habar 24») arnasy óz jumysyn bastady. Atalǵan arna ulttyq tsıfrlyq televıdenıeni damytý baǵdarlamasynyń aıasynda qurylyp, «Otau TV» ulttyq spýtnıktik júıe arqyly habar taratady.
2014 jyly Qyzylorda qalasynda Qazaqstan boıynsha alǵashqy kóshe sportymen shuǵyldanatyn jastardyń áleýmettik saıabaǵy ashyldy.
2015 jyly jumys saparymen Qyzylorda qalasyna barǵan QR Prezıdenti Nursultan Nazarbaev kúrish tazalaıtyn zaýytta boldy. Táýligine 80 tonna qospa jem shyǵaryp, 150 tonna kúrish tazalaıtyn kásiporynda Memleket basshysy aýyl sharýashylyǵyn damytý jáne jańa tehnologııalardy ıgerý kerektigine basa nazar aýdardy. Prezıdent daǵdarys kezeńinde aýyl sharýashylyǵy ekonomıkanyń tiregi bolatynyn aıtty.
2016 jyly Jambyl oblysynyń Shý qalasynda Qazaqstan boks federatsııasy jańa «Tarlan» dene shynyqtyrý jáne saýyqtyrý keshenin ashty.
2016 jyly Astanada Raqymjan Qoshqarbaevqa arnalǵan eskertkishtiń resmı ashylý saltanaty boldy. 11 metrlik monýment B.Momyshuly jáne R.Qoshqarbaev dańǵyldarynyń qıylysynda ornalasqan. Músindik kompozıtsııanyń bıiktigi 6 metrdi quraıdy. Eskertkish avtory - belgili músinshi Asqar Nartov.