19 qarashada respýblıka boıynsha qandaı joldar jabyq

ALMATY. KAZINFORM — «QazAvtoJol» ulttyq kompanııasy eldegi avtojoldardyń qazirgi jaǵdaıy týraly málimet usyndy.

Kompanııanyń málimetinshe, Soltústik Qazaqstan oblysyndaǵy jolda jóndeý-qalpyna keltirý jumystary júrgizilýine baılanysty barlyq kóliktiń qozǵalysy shekteldi. Buǵan deıin tolassyz jaýyn-shashyn jáne aýyr júk kólikteriniń kóp júrýi saldarynan KZ15-08 «Tımırıazevo — Sarykól — oblys shekarasy» avtojolynyń 0-30-shaqyrymynda (Qostanaı oblysy shekarasy — Tımırıazevo aýyly) jol oıylyp ketken.

Sonymen qatar 5 qarashadan bastap tirkemesi bar jáne jartylaı tirkemeli júk kólikteriniń qozǵalysy Osınov asýynda ýaqytsha shekteldi. Shekteý «Óskemen — Altaı — Katonqaraǵaı — Rahman qaınary» avtojolynyń 46-66-shaqyrymyndaǵy (Severnoe aýyly — Serebrıansk qalasy) ýchaskesinde saqtalady. Bul shara taýly jerde jol qaýipsizdigin qamtamasyz etý maqsatynda qabyldanyp, qys maýsymy aıaqtalǵanǵa deıin kúshinde bolady.

Eske salaıyq, Qazgıdromet 19 qarashada aýa raıyna baılanysty birqatar óńirde eskertý jarııalaǵan edi.