19 qarasha. Tulǵalar týǵan kún
Búgin, 18 qarasha kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
75 jyl buryn (1948) Qazaqstan Respýblıkasyndaǵy «Mıtsva» evreı ulttyq uıymdar qaýymdastyǵynyń prezıdenti, Qazaqstan halqy Assambleıasy keńesiniń múshesi Aleksandr Iosıfovıch BARON dúnıege keldi.
Almaty qalasynda týǵan. 1972 jyly Almaty memlekettik medıtsına ınstıtýtyn «pedıatr-dáriger» mamandyǵy boıynshy bitirdi.
Eńbek jolyn 1972 jyly temirjol aýrýhanasynda pedıatr-dáriger, anestezıolog-reanımatolog, ıne terapevti bolyp bastaǵan. 1992 jyldan beri «Mıtsva» Qazaqstan Respýblıkasyndaǵy evreı ulttyq uıymdar qaýymdastyǵynyń prezıdenti. 2013 jyldan beri Qazaqstan halqy Assambleıasy basshysynyń orynbasary, «Hesed Polına» respýblıkalyq qoǵamdyq birlesitigi keńesiniń tóraǵasy.
«Qurmet» ordeni, «QR Táýelsizdigine 20 jyl», «QR Konstıtýtsııasyna 10 jyl», «Astananyń 10 jyldyǵy», «Qazaqstan halqy assambleıasynyń qoǵamdyq «Birlik» altyn medalimen» marapattalǵan.
56 jyl buryn (1967) Almaty qalasy boıynsha Memlekettik kirister departamentiniń basshysy Qanat Eskendiruly BAEDІLOV dúnıege keldi.
Almaty oblysynda týǵan. 1991 jyly Almaty halyq sharýashylyǵy ınstıtýtyn bitirgen. 2003 jyly Ál-Farabı atyndaǵy Qazaq ulttyq ýnıversıtetin bitirgen, ekonomıst. Ekonomıka ǵylymdarynyń kandıdaty.
Eńbek joly: 1991-1994 jyldary QR Mınıstrler Kabıneti janyndaǵy Baqylaý-tekserý basqarmasynyń aǵa baqylaýshy-revızory, memlekettik qarjylyq baqylaý komıtetiniń Salyq jáne saqtandyrý organdary qarjy-kredıt mekemeleriniń revızııa bóliminiń bastyǵy, 1994-1996 jyldary QR Qarjy baqylaý komıtetiniń Almaty oblysy boıynsha qarjy-kredıt organdary men valıýtalyq baqylaý revızııalary bóliminiń bastyǵy, 1996-1998 jyldary QR Qarjy mınıstrligi janyndaǵy Qarjy-valıýtalyq baqylaý komıteti Almaty oblysy boıynsha basqarma bastyǵynyń orynbasary, 1998-1999 jyldary QR Qarjy mınıstrligi Qarjylyq baqylaý komıteti bilim, ǵylym, mádenıet jáne basqarý organdarynyń revızııalar bóliminiń bastyǵy, 1999-2002 jyldary Almaty qalasy Túrksib aýdany boıynsha Salyq komıtetiniń tóraǵasy, 2002-2003 jyldary QR Qarjy mınıstrligi Almaty qalasy Medeý aýdany boıynsha qarjy komıtetiniń tóraǵasy, 2003-2008 jyldary Almaty qalasy boıynsha Salyq komıtetiniń tóraǵasy, 2008-2009 jyldary QR Qarjy mınıstrliginiń Salyq komıteti tóraǵasynyń orynbasary, 2009-2014 jyldary QR Qarjy mınıstrliginiń Salyq komıteti Astana qalasy boıynsha Salyq departamentiniń basshysy, 2014-2017 jyldary QR Qarjy mınıstrligi Qazynashylyq komıtetiniń tóraǵasy, 2017-2021 jyldary QR Qarjy vıtse-mınıstri qyzmetin atqardy.
2021 jyldan bastap Almaty qalasy boıynsha Memlekettik kirister departamentiniń basshysy.
44 jyl buryn (1979) Aqmola oblysy prokýrorynyń orynbasary Jandos Bıbosynuly BERDІQULOV dúnıege keldi.
Jambyl oblysynda týǵan. E.A.Bóketov atyndaǵy Qaraǵandy memlekettik ýnıversıtetiniń quqyqtaný fakýltetin bitirgen.
Eńbek joly: prokýratýra organdaryndaǵy qyzmetin 2000 jyly bastaǵan, ár jyldary Taraz qalasy prokýrorynyń orynbasary, Jambyl mamandandyrylǵan prokýrory, Moıynqum jáne Talas aýdandarynyń prokýrory; Jambyl oblysynyń Shý aýdanaralyq prokýrory qyzmetterin atqarǵan.
2020 jyldyń naýryz aıynan bastap qazirgi qyzmetinde.
65 jyl buryn (1958) medıtsına ǵylymynyń doktory, professor, QR Ulttyq ǵylym akademııasynyń akademıgi, Qazaqstandyq reprodýktıvti medıtsına qaýymdastyǵynyń prezıdenti, Halyqaralyq reprodýktologııa akademııasynyń rektory, Halyqaralyq farmatsevtıkalyq óndirýshiler qaýymdastyǵynyń prezıdenti Vıacheslav Notanovıch LOKShIN dúnıege keldi.
Almaty qalasynda týǵan. 1982 jyly Almaty memlekettik medıtsına ınstıtýtyn «Jalpy medıtsına» mamandyǵy boıynsha úzdik bitirgen. 1989 jyly Omby memlekettik medıtsına ınstıtýtynda medıtsına ǵylymdarynyń kandıdaty ǵylymı dárejesin alý úshin dıssertatsııa qorǵady. Sankt-Peterbýrgte ǵylym doktory dárejesin alý úshin dıssertatsııa qorǵady. V.N.Lokshınniń dıssertatsııasy Qazaqstanda nostrıfıkatsııadan ótti. Bul Qazaqstan Respýblıkasyndaǵy reprodýktıvti medıtsına salasyndaǵy alǵashqy jáne ázirge jalǵyz zertteý.
2007-2017 jyldary QR Densaýlyq saqtaý mınıstrliginiń alqa múshesi, 2005-2007 jyldary QR Úkimeti janyndaǵy Densaýlyq saqtaý jónindegi Úılestirý keńesiniń múshesi, QR Densaýlyq saqtaý mınıstrligi jáne Almaty qalasy ákimdigi janyndaǵy Qoǵamdyq keńes, Almaty qalasynyń densaýlyq saqtaý memlekettik mekemesiniń alqa múshesi, QR Densaýlyq saqtaý mınıstrligi Qoǵamdyq keńesiniń múshesi, S.Asfendııarov atyndaǵy QazUMÝ Qadaǵalaý keńesi, akýsherlik, gınekologııa jáne perınatologııa ǵylymı ortalyǵynyń baqylaý keńesiniń múshesi.
«Qurmet» ordenimen, «Eren eńbegi úshin» medalimen, «Qazaqstan Halyq Assambleıasyna 20 jyl» mereıtoılyq medalimen, QR Densaýlyq saqtaý mınıstrliginiń birneshe Qurmet gramotalarymen, «Altyn dáriger» tósbelgisimen marapattalǵan.
30 jyl buryn (1993) qazaq samboshysy, sambodan álem chempıonatynyń birneshe dúrkin kúmis jáne qola júldegeri, Azııa chempıonatynyń 2 dúrkin chempıony Dildash QURYShBAEVA dúnıege keldi.
