19 qarasha. Tulǵalar týǵan kún

Búgin, 19 qarasha kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.

kúntizbe, kalendar
Foto: magnific

Aleksandr BARON, Qazaqstan Respýblıkasyndaǵy «Mıtsva» evreı ulttyq uıymdar qaýymdastyǵynyń prezıdenti, Qazaqstan halqy Assambleıasy keńesiniń múshesi

Aleksandr BARON
Foto: vecher.kz

1948 jyly Almaty qalasynda týǵan. 1972 jyly Almaty memlekettik medıtsına ınstıtýtyn «pedıatr-dáriger» mamandyǵy boıynshy bitirdi.

Eńbek jolyn 1972 jyly temirjol aýrýhanasynda pedıatr-dáriger, anestezıolog-reanımatolog, ıne terapevti bolyp bastaǵan. 1992 jyldan beri «Mıtsva» Qazaqstan Respýblıkasyndaǵy evreı ulttyq uıymdar qaýymdastyǵynyń prezıdenti. 2013 jyldan beri Qazaqstan halqy Assambleıasy basshysynyń orynbasary, «Hesed Polına» respýblıkalyq qoǵamdyq birlesitigi keńesiniń tóraǵasy.

«Qurmet» ordeni, «QR Táýelsizdigine 20 jyl», «QR Konstıtýtsııasyna 10 jyl», «Astananyń 10 jyldyǵy», «Qazaqstan halqy assambleıasynyń qoǵamdyq „Birlik“ altyn medalimen» marapattalǵan.

Ermuhamet ERTІSBAEV, Qazaqstannyń memleket, saıası jáne qoǵam qaıratkeri

Ermuhamet ERTІSBAEV
Foto: time.kz

1956 jyly Qaraǵandy qalasynda týǵan. E.A.Bóketov atyndaǵy Qaraǵandy memlekettik ýnıversıteti tarıh fakýltetiniń túlegi. Tarıh ǵylymdarynyń kandıdaty, saıasattaný ǵylymdarynyń doktory, professor.

Eńbek jolyn Ó.A.Baıqońyrov atyndaǵy Jezqazǵan pedagogıkalyq ınstıtýtynda assıstent bolyp bastady.

Ár jyldary QR komsomol komıtetiniń hatshysy, oqytýshy, kafedra meńgerýshisi, QR Prezıdentiniń keńesshisi, QR Prezıdenti janyndaǵy Qazaqstan strategııalyq zertteýler ınstıtýtynyń dırektory, QR Prezıdent Ákimshiligi Qoǵamdyq-saıası bóliminiń meńgerýshisi, QR Mádenıet, aqparat jáne sport mınıstri, QR Grýzııa men Belarýs Respýblıkasyndaǵy Tótenshe jáne Ókiletti Elshisi, TMD Jarǵylyq organdary janyndaǵy turaqty Ókili bolyp jumys istedi.

Birneshe kitaptar men monografııalardyń, sonyń ishinde «Qazirgi Qazaqstandaǵy saılanbaly demokratııanyń genezısi: máseleleri men bolashaǵy 1990-2000», «Qazaqstandaǵy demokratııalandyrý: 1990-2000 jyldar», «Qazaqstan men Nazarbaev: ózgerister logıkasy», sondaı-aq 700-den astam ǵylymı, qoǵamdyq-saıası jáne ózge de jarııalanymdardyń avtory.

Qanat BAEDІLOV, Almaty qalasy boıynsha Memlekettik kirister departamentiniń basshysy

Qanat BAEDІLOV
Foto: primeminister.kz

1967 Almaty oblysynda týǵan. 1991 jyly Almaty halyq sharýashylyǵy ınstıtýtyn bitirgen. 2003 jyly Ál-Farabı atyndaǵy Qazaq ulttyq ýnıversıtetin bitirgen, ekonomıst. Ekonomıka ǵylymdarynyń kandıdaty.

Eńbek joly: 1991-1994 jyldary QR Mınıstrler Kabıneti janyndaǵy Baqylaý-tekserý basqarmasynyń aǵa baqylaýshy-revızory, memlekettik qarjylyq baqylaý komıtetiniń Salyq jáne saqtandyrý organdary qarjy-kredıt mekemeleriniń revızııa bóliminiń bastyǵy, 1994-1996 jyldary QR Qarjy baqylaý komıtetiniń Almaty oblysy boıynsha qarjy-kredıt organdary men valıýtalyq baqylaý revızııalary bóliminiń bastyǵy, 1996-1998 jyldary QR Qarjy mınıstrligi janyndaǵy Qarjy-valıýtalyq baqylaý komıteti Almaty oblysy boıynsha basqarma bastyǵynyń orynbasary, 1998-1999 jyldary QR Qarjy mınıstrligi Qarjylyq baqylaý komıteti bilim, ǵylym, mádenıet jáne basqarý organdarynyń revızııalar bóliminiń bastyǵy, 1999-2002 jyldary Almaty qalasy Túrksib aýdany boıynsha Salyq komıtetiniń tóraǵasy, 2002-2003 jyldary QR Qarjy mınıstrligi Almaty qalasy Medeý aýdany boıynsha qarjy komıtetiniń tóraǵasy, 2003-2008 jyldary Almaty qalasy boıynsha Salyq komıtetiniń tóraǵasy, 2008-2009 jyldary QR Qarjy mınıstrliginiń Salyq komıteti tóraǵasynyń orynbasary, 2009-2014 jyldary QR Qarjy mınıstrliginiń Salyq komıteti Astana qalasy boıynsha Salyq departamentiniń basshysy, 2014-2017 jyldary QR Qarjy mınıstrligi Qazynashylyq komıtetiniń tóraǵasy, 2017-2021 jyldary QR Qarjy vıtse-mınıstri qyzmetin atqardy.

2021 jyldan bastap Almaty qalasy boıynsha Memlekettik kirister departamentiniń basshysy.

Nazgúl HATEPOVA, Qazaqstan Respýblıkasy Aýyl sharýashylyǵy vıtse-mınıstri

Nazgúl HATEPOVA
Foto: Aýyl sharýashylyǵy mınıstrligi

1990 jyly Batys Qazaqstan oblysynda dúnıege kelgen. Jáńgir han atyndaǵy Batys Qazaqstan agrarlyq-tehnıkalyq ýnıversıtetin, M. H. Dýlatı atyndaǵy Taraz memlekettik ýnıversıtetin jáne Qazaqstan Respýblıkasy Prezıdentiniń janyndaǵy Memlekettik basqarý akademııasyn bitirip, bıznes jáne menedjment magıstri dárejesin aldy.

Eńbek joly: Qazaqstan Respýblıkasy Aýyl sharýashylyǵy mınıstrliginde menedjer, sarapshy jáne bas sarapshy (2012-2021); Qazaqstan Respýblıkasy Aýyl sharýashylyǵy mınıstrliginde aýyl sharýashylyǵy ónimderin sertıfıkattaý departamentiniń basshysy (2021-2022); Qazaqstan Respýblıkasy Aýyl sharýashylyǵy mınıstrliginde Agroazyq-túlik naryqtary jáne aýyl sharýashylyǵy ónimderin óńdeý departamentiniń dırektory (2022-2025); Qazaqstan Respýblıkasy Aýyl sharýashylyǵy mınıstrliginde Aýyl sharýashylyǵy departamentiniń dırektory (2025-2026).

Qazirgi laýazymy 2026 jyldyń shildesinen beri atqaryp keledi.