19 qańtarǵa arnalǵan aýa raıy boljamy
ASTANA. QazAqparat - «Qazgıdromet» RMK 19 qańtar kúngi Qazaqstandaǵy aýa raıy boljamyn usyndy, dep habarlaıdy QazAqparat.
Sınoptıkterdiń málimetinshe, beısenbide eldiń basym aýmaǵy antıtsıklonnyń yqpalynda bolady.
Atap aıtqanda, batysta aýa temperatýrasy túnde 10-22, kúndiz 5-15 aıazdy kórsetedi, soltústik-batys óńirde túnde 15-25, kúndiz 7-15 gradýs, soltústikte jáne ortalyqta túnde 18-28, túnde 8-16, shyǵysta túnde 15-20, soltústik-shyǵysta 25-30 aıaz, kúndiz 7-17 gradýs sýyq.
Eldiń ońtústik oblystarynda túnde 5-10 gradýs, keı jerlerde 15-20 gradýs aıaz túsedi. Kúndiz 0-5 gradýs jyly, keı jerlerde temperatýra baǵany 1-6 gradýsty kórsetedi.
Astanada aýa raıy qubylmaly, jaýyn-shashynsyz. Jel ońtústik-shyǵystan soǵady, jyldamdyǵy - sekýndyna 9-14 metr. Túnde temperatýra mınýs 20-22 gradýsqa deıin tómendese, kúndiz 10-12 gradýs nólden tómen bolady.
