19 qańtarda Qazaqstannyń basym aýmaǵynda ashyq, aıazdy aýa raıy kútilýde
ASTANA. 18 qańtar. QazAqparat - 19 qańtar kúni Qazaqstannyń basym aýmaǵy sýyq antıtsıklonnyń yqpalynda bolady, onymen ashyq, aıazdy aýa raıy kútilýde, dep habarlaıdy TJD-niń baspasóz qyzmeti Qazgıdrometke silteme jasap.
Respýblıkanyń batys óńirleri arqyly atmosferalyq aǵym bólikteriniń ótýi qardyń túsýine, al keıbir aýdandarda tuman men kóktaıǵaqtyń bolýyna yqpal etpek.
Atap aıtqanda, Mańǵystaý oblysynyń keı jerlerinde tuman men kóktaıǵaq bolady dep kútilýde.
Almaty, Qyzylorda oblystarynyń keıbir aýmaqtarynda jeldiń jyldamdyǵy 15-20 m/s-ty quramaq.
Batys Qazaqstan, Aqtóbe oblystarynyń keı óńirlerinde jeldiń jyldamdyǵy sekýndyna 15-20 metrge jetip, syrma boran bolady.
Jambyl, Shyǵys Qazaqstan oblystarynyń keıbir aýmaqtarynda da tumandy.
Atyraý, Ońtústik Qazaqstan oblystarynyń keı jerlerinde tumanmen birge kóktaıǵaq kútilýde.
Gıdrologııalyq málimetterge súıensek, Ońtústik Qazaqstan, Qyzylorda, Jambyl, Almaty, Shyǵys Qazaqstan oblystarynyń ózenderinde taıaý táýlikterde muz qatý úrdisi kúsheıip, ózenderdiń arnalary kóterilýi múmkin.
