19 qańtarda Qazaqstan boıynsha aıaz kúsheıip, boran soǵady – Qazgıdromet boljamy
ASTANA. KAZINFORM – «Qazgıdromet» 19 qańtardaǵy Qazaqstan aýmaǵy boıynsha aýa raıy boljamyn jarııalady.
Boljamǵa sáıkes, dúısenbi kúni elimizdiń soltústik-batysy, soltústigi jáne ońtústiginde qar jaýady. Soltústik-batys pen soltústikte jaıaý burqasyn men boran soǵady.
Qazaqstannyń qalǵan aımaqtarynda jaýyn-shashynsyz, aıazdy aýa raıy kútiledi. Respýblıka boıynsha tuman, kóktaıǵaq jáne jeldiń kúsheıýi boljanyp otyr.
Túnde Shyǵys Qazaqstan oblysynda jáne Abaı oblysynyń shyǵys bóliginde qatty aıaz -40°C deıin saqtalady. Jetisý oblysynda aýa temperatýrasy -22…-27°C aralyǵynda tómendeıdi. Mańǵystaý oblysynyń soltústik-shyǵysynda qatty aıaz -22°C bolady.
Sonymen qatar Shyǵys Qazaqstan oblysynyń soltústik jáne shyǵys aýdandarynda túngi ýaqytta óte qatty aıaz -45°C deıin jetedi. Bul óńirlerde aýa raıy erekshe tómen temperatýramen sıpattalady.
Eske sala keteıik, budan buryn 14 oblysta aýa raıyna baılanysty eskertý jarııalanǵanyn jazǵanbyz.
