19 aqpanǵa arnalǵan aýa raıy boljamy usynyldy

ASTANA. KAZINFORM — Qazaqstan aımaqtarynda 19 aqpanda bolatyn qaýipti meteorologııalyq qubylystarǵa boljaý-konsýltatsııa jarııalandy.  

Atmosferalyq fronttardyń ótýimen eldiń soltústiginde, batysynda qar jaýady, ońtústik-batysynda jaýyn-shashyn bolady (jańbyr, qar), ońtústiginde jańbyr jaýady. 

- Tek ońtústik-shyǵysta, soltústik-shyǵysta, respýblıkanyń ortalyǵynda antıtsıklon sileminiń áserinen jaýyn-shashynsyz aýa raıy bolady. El boıynsha tuman, kóktaıǵaq, soltústikte, batysta jaıaý burqasyn bolyp, ońtústikte, ońtústik-shyǵysta, soltústikte jel kúsheıedi, - delingen habarlamada.

Elimizdiń 15 óńirinde aýa raıyna baılanysty eskertý jarııalanǵan edi.