19 aqpanda elimizdiń ońtústigi men batysynda qar jaýady
ASTANA. QazAqparat - Respýblıkanyń ońtústigi men batys bóliginde tsıklon jáne frontaldy bólikterdiń ótýine baılanysty keı jerlerde jaýyn-shashyn (jańbyr, qar), keı jerlerinde tuman, kóktaıǵaq kútiledi, burqasynmen qatar jel kúsheıedi, dep boljaıdy aýa raıyn Qazgıdromet.
Qazaqstanyń qalǵan aımaqtarynda jaýyn-shashynsyz aýa-raıy saqtalady. Aqtóbe oblysynyń keı jerlerinde kóktaıǵaq bolady, burqasynmen qatar jel 18 m/s-ge kúsheıedi.
Qostanaı oblysynyń keı jerlerinde tuman, kóktaıǵaq bolady, jel 15-20 m/s-ge kúsheıedi, burqasyn bolady. Mańǵystaý, Batys Qazaqstan oblystarynyń keı jerlerinde tuman, kóktaıǵaq bolady.
Almaty oblysynyń Jalańashkól aýdanynda jel 18-23 m/s-ge kúsheıedi, túnde keı jerlerde tuman bolady. Jambyl, Qaraǵandy oblystarynyń keı jerlerinde tuman kútiledi, jel 15-20 m/s kúsheıedi.
Pavlodar oblysynda, túnde jáne tańerteń Aqmola, Shyǵys Qazaqstan oblystarynyń keı jerlerinde tuman kútiledi. Qyzylorda, Ońtústik Qazaqstan oblystarynda kúndiz keı jerlerinde jel 15-20 m/s-ge kúsheıedi.
