19 aqpanda eldegi qaı joldar jabyq tur

ALMATY. KAZINFORM – «QazAvtoJol» ulttyq kompanııasy eldegi joldardyń qazirgi ahýaly týraly habarlady. 

Ulttyq kompanııanyń málimetinshe, aýa raıynyń nasharlaýyna baılanysty respýblıkalyq mańyzy bar kelesi avtojol ýchaskelerinde kólik qozǵalysyna ýaqytsha shekteldi:

Pavlodar oblysy

• «Astana – Shiderti – Pavlodar – Ýspenka – RF shekarasy» avtojolyndaǵy «Qalqaman» jolaıryǵy ýchaskesinde (Qalqaman kentine kireberis pen Astana baǵytyna shyǵar jol) qozǵalys shektelgen.

• «QHR shekarasy – Maıqapshaǵaı – Zaısan alnalma joly – Qalbataý – Semeı – Pavlodar – RF shekarasy (Úrlitóbe BÓP)» avtojoly, 520-587-shaqyrym (Aqqýly kenti – Abaı oblysynyń shekarasy);

• osy avtojoldyń 583-733-shaqyrymy (Pavlodar oblysynyń shekarasy – Semeı qalasy);

• «Qalqaman – Baıanaýyl – Úmitker – Botaqara» avtojoly, 137-231-shaqyrym (Qaraǵandy oblysynyń shekarasy — Baıanaýyl aýyly).

Qaraǵandy oblysy

• «Qalqaman – Baıanaýyl – Úmitker – Botaqara» avtojoly, 231-324-shaqyrym (Pavlodar oblysynyń shekarasy – Botaqara kenti).

Shyǵys Qazaqstan oblysy

• «Óskemen – Rıdder – RF shekarasy» avtojoly, 15-105-shaqyrym (Beloýsovka aýyly – Rıdder qalasy).

Sonymen qatar Osınov asýynda tirkemesi bar jáne jartylaı tirkemeli júk kólikteriniń qozǵalysy ýaqytsha shekteldi. Shekteý «Óskemen – Altaı – Katonqaraǵaı – Rahman qaınary» avtojolynyń 46-66-shaqyrymyndaǵy (Severnoe aýyly – Serebrıansk qalasy) ýchaskesinde qys aıaqtalǵansha saqtalady.

Eske salaıyq, Qazgıdromet sınoptıkteri 19 aqpanda elimizdiń birneshe oblysynda 20 gradýsqa deıin aıaz bolatynyn boljaǵan edi.