19 adam terrorızm úshin sottaldy – UQK
ASTANA. KAZINFORM – 2026 jyldyń maýsym-shilde aılarynda UQK tergegen qylmystyq ister boıynsha terrorıstik jáne ekstremıstik qylmystar jasaǵany úshin 19 adam túrli merzimge bas bostandyǵynan aıyryldy.
Solardyń biri, Almaty qalasynyń týmasy 2017 jyldan bastap halyqaralyq terrorıstik uıymdarynynyń is-áreketine qatysqany úshin izdeýde júrgen. Túrkııada tabylǵan bolatyn. Ol jaqtan 2025 jyly elge deportatsııalanyp, qylmystyq is aıasynda qamaýǵa alynǵan. Sot sheshimimen 8 jylǵa bas bostandyǵynan aıyryldy.
Odan basqasy, Shymkent qalasynyń turǵyny qoǵamdyq jelilerde terrorızm ıdeologııasyn nasıhattap, tanystardy zorlyq-zombylyq aktsııalarǵa shaqyrǵan. Ol 9 jylǵa sottaldy.
Osy kezeń aralyǵynda Astana, Almaty, Shymkent qalalarynda, Aqmola, Aqtóbe, Almaty, Jambyl, Manǵystaý jáne Túrkistan oblystarynda jedel-izdestrirý sharalary nátıjesinde 28 tulǵa ustaldy.
Olar terrorızmdi nasıhattaǵan, dinı arazdyqty qozdyrǵan, ınternette jáne ózderiniń aınalasynda tyıym salynǵan materıaldardy taratqan jáne ekstremısttik uıymyna qatysqan degen kúdikke ilindi.
Qylmystyq kodekstiń tıisti baptary boıynsha sotqa deıingi tergeý júrgizilip jatyr.
Qylmystyq-protsestik kodeksiniń 201-babynyń 1-bólimine sáıkes ózge aqparat jarııa etilmeıdi.
Aıta ketelik Shekara qyzmeti tamyzda 63 qylmystyq is qozǵaǵan edi.
