19-21 jeltoqsan kúnderi boran soǵyp, qar jaýady — Qazgıdromet

ASTANA. KAZINFORM — «Qazgıdromet» RMK Qazaqstan boıynsha 2024 jylǵy 19-21 jeltoqsanǵa arnalǵan aýa raıy boljamyn usyndy.

Sınoptıkterdiń boljamynsha, 19 jeltoqsannan bastap Qazaqstannyń basym bóliginde qar jaýyp, burqasyn bolady. Respýblıkanyń ońtústigi men ońtústik-shyǵysynda jaýyn-shashyn (jańbyr, qar), kóktaıǵaq, ekpindi jel turady.

19-20 jeltoqsanda soltústik-batysta, soltústikte, ortalyqta, 20 jeltoqsanda respýblıkanyń ońtústik-shyǵysyndaǵy taýly aýdandarda qalyń qar jaýady.

21 jeltoqsannan bastap respýblıkanyń batysynda aýa raıy jaýyn-shashynsyz bolady, soltústikte, ońtústikte jáne ortalyqta aýa temperatýrasy tómendeıdi. Respýblıka boıynsha tuman túsedi.

Túnde aýa temperatýrasy qubylmaly bolady: respýblıkanyń batysynda 3-13-ten 5-18-ge deıin aıaz, shyǵysta 10-26-dan 7-20-ǵa deıin aıaz, qalǵan aýmaqta aýa temperatýrasynyń tómendeýi baıqalady: túnde soltústik-batysta, soltústikte 10-20-ǵa deıin aıaz, respýblıka ortalyǵynda 13-25-ǵa deıin aıaz, respýblıkanyń ońtústigi men ońtústik-shyǵysynda 13-25 deıin. Taýly aımaqtarda 15-18 gradýs aıaz.

Aıta keteıik, búgin Qazaqstanda qar jaýady.