19-21 mamyr kúnderi respýblıkanyń basym bóliginde jaýyn-shashyn azaıady
ASTANA. QazAqparat - «Qazgıdromet» RMK 2016 jyldyń 19-21 mamyryna arnalǵan aýa raıy boljamyn usynady.
«Sáýir aıynda bastalyp, mamyr aıyna jalǵasqan Qazaqstannyń ońtústik jáne ońtústik-shyǵysyndaǵy nóser jańbyr, keıbir aýdandarda buǵan deıin baıqalǵan olardyń maksımaldy sanynyń artýyna alyp keldi. Mysaly, Almaty qalasynda 1990 jyldan bastap jaýyn-shashynnyń kóp mólsherde túsýi 1998 jyly baıqalyp, 176 mm qurady, al búgingi kúni mamyr aıynda ǵana 180 mm astam jaýyn jaýdy. Biraq, respýblıka aýmaǵynyń kóp bóligin qamtyǵan antıtsıklonnyń áserimen, aldaǵy úsh táýlikte jaýyn-shashynnyń azdaǵan saıabyrlaýy boljanýda. Degenmen, Іle Alataýynyń taýly aýdandarynda aldaǵy táýlikte jańbyr áli de saqtalýda. Respýblıkanyń shyǵysynda sýyq arktıkalyq fronttarmen túngi ýaqyttyń keı kezderinde sýly qarǵa aýysatyn, keı jerlerde jańbyr jaýady. Sondaı-aq Qazaqstannyń batys aýdandarynda jyly fronttyń áserimen naızaǵaı oınap, ótkinshi jańbyr jaýýy múmkin», - dep jazylǵan habarlamada.
