19- 20 shilde kúnderi Astanada aýyl sharýashylyǵy ónimderiniń jármeńkesi ótedi
ASTANA. QazAqparat - 19-20 shilde kúnderi Astanada aýyl sharýashylyǵy jármeńkesi ótedi. Onda azyq-túlik ónimderi naryqtaǵy qunnan tómen baǵada satylady.
Bul týraly Astana qalasy ákimniń baspasóz qyzmetine aýyl sharýashylyǵy basqarmasynan habarlady.
Astanada aldaǵy demalys kúnderi (19-20 shilde) saǵat 10:00-de aýyl sharýashylyǵy jármeńkesi ótedi. Abylaı han dańǵyly 24 («Bakaleıa» dúkeni mańynda), Jeńis dańǵyly 55 («Mereı» bazary mańy) mekenjaılarynda ótetin jármeńke qala turǵyndaryna arzan baǵada taýar usynbaq.
Jármeńkede Astana qalasy azyq-túlik beldeýi aımaǵynyń, sonymen birge jergilikti dıstrıbıýtorlardyń ónimderin, jemis-kókónis, et, shujyq, sút ónimderin tómen baǵamen satyp alýǵa bolady.
Esterińizge sala keteıik, astananyń 16 jyldyǵy merekesine oraı ótken jármeńkege Ońtústik Qazaqstan oblysy 200 tonna ónim ákelgen bolatyn. Elordaǵa ońtústikqazaqstandyqtar qyzanaq, qııar, bolgar buryshy, kartop, oramjapyraq, alhory, shıe men baqsha ónimderin usynǵan. Sonymen birge astanalyq turǵyndar et ónimderin de satyp alýǵa múmkindik aldy.
