1892 jylǵy ǵımaratta Almaty tarıhynyń murajaıy ashyldy
ALMATY. QazAqparat - Almatyda Jetisý ólkesiniń tarıhı-mádenı salasyn tolyǵymen qamtyǵan jańa murajaı ashyldy, dep habarlaıdy «QazAqparat» tilshisi.
Murajaıda 40 myńǵa jýyq eksponat bar. Olardyń arasynda tanymal sheberlerdiń tarıhı buıymdary, qoldanǵan zattary jáne ár dáýirdegi mádenı, nýmýzmatıkalyq quraldar saqtalǵan. Murajaıda mýltımedııalyq tehnologııa, aqparattyq ıllıýstratsııalyq quraldar úılesimdi berilgen. Murajaıdaǵy 11 zalda kóne dáýirden búginge deıingi Almaty tarıhı qujat, muralarmen berilgen.
Murajaıdyń ashylýynda sóz sóılegen qala ákimi Baýyrjan Baıbek mundaı mádenı nysandar týrızmdi damytý úshin asa qajet ekenin aıtty.
«Birneshe kún buryn jumys sapary barysynda Elbasy Nursultan Nazarbaev osy murajaıǵa kelip, tanysyp shyqty. Murajaıda Almatynyń 1000 jyldyǵy týralyf ıÝNESKO-nyń qararyn kórsettik. Táýelsizdiktiń negizgi qujattary Almatyda qabyldandy. Ǵımarat 1892 jyly salynǵan. Buryn balalar úıi bolǵan. Esik aldyndaǵy saıabaqty sol balalar ekken. Ǵımaratqa rekonstrýktsııa jasap, ashyp otyrmyz. Jastardy otansúıgishtikke tárbıeleý úshin jańa tehnologııalardy paıdalana otyryp tarıhymyzdy kórsettik», - dedi Baýyrjan Baıbek.
Aıta keteıik, Almaty tarıhı-ólketaný murajaıy 2001 jyly qańtar aıynda qurylǵan. Atalǵan murajaı 2016 jyly Almaty qalasynyń murajaıy bolyp ózgerdi. Jańa murajaı ǵımaratynyń aýmaǵy 1350 sharshy metr. 
