189 myńnan asa jambyldyq tumaýǵa qarsy ekpe qabyldady
TARAZ. QazAqparat –Jambyl oblysynda tumaýǵa qarsy ekpeni 189 myńnan asa adam qabyldady,- dep habarlaıdy QazAqparat tilshisi.
Jambyl oblysy ákimdigi densaýlyq saqtaý basqarmasynyń baspasóz qyzmetiniń habarlaýynsha, tumaýǵa qarsy ımýndaý jumystary qyzý júrgizilýde .
«Qazaqstan Respýblıkasynyń Bas memlekettik sanıtarııalyq dárigeriniń «2020-2021 jylǵy epıdmaýsymda tumaý jáne jedel respıratorlyq vırýstyq ınfektsııa (JRVI) boıynsha sanıtarııalyq-profılaktıkalyq, sanıtarııalyq-epıdemııaǵa qarsy is-sharalardy júrgizý týraly» 2020 jylǵy 5 qyrkúıektegi №51 qaýlysyna sáıkes tumaýǵa qarsy ımmýndaý naýqany aǵymdaǵy jylǵy 15 qyrkúıekten bastaldy. Búgingi tańda 189 059 tulǵa tumaýǵa qarsy ekpe aldy»,-delingen habarlamada.
Bul kórsetkish jalpy oblys turǵyndaryn 16,35 paıyzyn quraıdy. Óńirde ekpemen qamtylǵandardyń qatarynda 7088 júkti áıel, 19688 medıtsına qyzmetkeri, 77310 on tórt jasqa deıngi balalar jáne basqalar bar.
