189 qazaqstandyq «Bolashaq» stıpendııasyn jeńip aldy

ASTANA. KAZINFORM — Memlekettik keńesshi Shetelde kadrlar daıarlaý jónindegi respýblıkalyq komıssııanyń otyrysyn ótkizdi, dep habarlaıdy Aqordanyń baspasóz qyzmeti.

Memlekettik keńesshi Erlan Qarınniń tóraǵalyǵymen Shetelde kadrlar daıarlaý jónindegi respýblıkalyq komıssııanyń kezekti otyrysy ótti. Jıyn barysynda 189 azamatqa «Bolashaq» halyqaralyq stıpendııasyn taǵaıyndaý týraly sheshim qabyldandy.

Bıyl konkýrstyq irikteý jańa erejege saı kezeń-kezeńimen ótip jatyr. Onyń aıasynda keshendi testileý jáne jeke suhbattar júrgizildi.

Stıpendııa ıegerleriniń 164-i — magıstratýrada, 10-y doktorantýrada bilim almaq. Sondaı-aq 15 azamat álemniń eń úzdik ýnıversıtetteri men ortalyqtarynda kásibı taǵylymdamadan ótedi.

Maman daıarlaýdyń basym baǵyttaryna erekshe nazar aýdaryldy. ıAǵnı stıpendııa ıegerleriniń 73 paıyzy — jaratylystaný-tehnıkalyq, al 27 paıyzy qoǵamdyq-gýmanıtarlyq ǵylymdar boıynsha bilimin jetildiredi.

Sondaı-aq otyrysta elimizdiń atom energetıkasy salasyna qajetti kadrlar daıarlaý máselesi qaraldy.

Jıyn sońynda Memlekettik keńesshi Erlan Qarın «Bolashaq» halyqaralyq stıpendııasyn taǵaıyndaý baǵdarlamasyn odan ári jetildirýge qatysty naqty tapsyrma berdi.

Buǵan deıin «Bolashaq» túlegi shákirtterimen birge otandyq mıkrochıp jasap shyǵarǵanyn jazdyq.