18,6 trln dollar: Amerıkalyqtardyń qaryzy jańa rekordqa jetti

ASTANA. KAZINFORM — Nıý-Iork Federaldyq rezerv banki taratqan jańa esepke sáıkes, 2025 jyldyń úshinshi toqsanynda AQSh azamattarynyń jalpy qaryzy 197 mlrd dollarǵa ósip, 18,59 trln dollarǵa jetken kórinedi, dep habarlaıdy Kazinform tilshisi Fox Business-ke silteme jasap.

Esepke saı, ıpotekalyq qaryzdar bir toqsanda 137 mlrd dollarǵa artyp, qyrkúıek aıynyń sońynda 13,07 trln dollarǵa jetken. Nesıe kartalary boıynsha bereshek te ósken — 24 mlrd dollarǵa kóbeıip, jalpy somasy 1,23 trln dollardy qurady.

Avtokredıtter boıynsha qaryz shamamen 1,66 trln dollar deńgeıinde ózgerissiz qalǵan, al stýdenttik nesıeler 15 mlrd dollarǵa artyp, 1,65 trln dollarǵa jetken.

Sonymen qatar, 2025 jyldyń úshinshi toqsanynda merzimi 90 kúnnen asqan tólenbegen qaryzdar deńgeıi joǵary bolyp qaldy — olardyń úlesi 4,5%.

Jalpy keshiktirilgen nesıelerdiń úlesi ótken jyldyń sáıkes kezeńindegi 1,68%-dan bıyl 3,03%-ǵa deıin ulǵaıǵan.

Buǵan deıin habarlanǵandaı, Donald Tramptyń balalyq shaǵy ótken úı 2,3 mıllıon dollarǵa baǵalandy.