185 adamdy aldaǵan BQO turǵyny sottaldy

ORAL. KAZINFORM – Zańsyz qarjy tartyp, 185 jábirlenýshige 180 mln astam materıaldyq shyǵyn keltirgen Shyńǵyrlaý aýdanynyń turǵyny 5 jylǵa bas bostandyǵynan aıyryldy.

BQO prokýratýrasynan málim etkenindeı, atalǵan turǵyn 2022 jyldyń qyrkúıeginen 2023 jyldyń sáýirine deıin «Chia Tai Pharmaceutical» qarjy pıramıdasyna qosylyp, onyń qurylymdyq bólimshesinde jetekshi qyzmet atqarǵan.

Ol farmatsevtıkalyq zaýytqa zańdy ınvestıtsııa salamyz degen jalǵan jeleýmen farmatsevtıkalyq kásiporyn qyzmetinen joǵary kiris alýǵa ýáde berip, salymshylardan zańsyz qarajat tartqan.

«Sottalýshynyń qylmystyq áreketiniń saldarynan 185 jábirlenýshige jalpy somasy 180 mln astam teńge materıaldyq shyǵyn keltirilgen. Onyń qarjylyq pıramıdany qurý jáne basqarý, sondaı-aq qylmystyq jolmen alynǵan aqsha men basqa da

múlikti zańdastyrý boıynsha kinási tolyq dáleldendi. Sot memlekettik aıyptaýshynyń ustanymymen kelise otyryp, sottalýshyny QR QK 217-baby 2-bóligi 2-tarmaǵy (qarjylyq (ınvestıtsııalyq) pıramıdany qurý jáne basqarý), 218-baby 2-bóligi 3-tarmaǵynda (qylmystyq jolmen alynǵan aqshany jáne (nemese)

ózge múlikti zańdastyrý (jylystatý)) kózdelgen qylmystardy jasaǵany úshin kináli dep taýyp, qylmystyq quqyq buzýshylyqtyń jıyntyǵymen 5 jylǵa bas bostandyǵynan aıyrý jazasyn kesti. Sonymen qatar ol osy merzimge qarjy uıymdarynda basshy laýazymdardy atqarý jáne qarjy uıymynyń qatysýshysy bolý quqyǵynan aıyryldy. 180 mln teńge shyǵyn jábirlenýshilerdiń

paıdasyna tolyǵymen óndirildi. Sot úkimi zańdy kúshine endi», dep habarlady vedomstvodan.

Eske sala keteıik, budan buryn BQO-da turǵyndar qarjy pıramıdasyna 700 mln astam teńge salǵanyn jazǵan bolatynbyz.