182 jolaýshysy bar ushaq ǵımaratqa soǵyldy
ASTANA. 24 jeltoqsan. QazAqparat - Brıtanııanyń British Airways áýe kompanııasynyń ushaǵy Iohannesbýrg áýejaıynyń ekiqabatty ǵımaratyna soǵyldy. Apat dúısenbige qaraǵan túni oryn aldy. Londonǵa ushqaly turǵan laınerdiń bortynda 182 jolaýshy bolǵan.
The Telegraph habarlaýynsha, «Boıng 747»-ni basqarý kezinde ol qanatymen ushyp-qoný jolaǵyna jaqyn ornalasqan kirpish ǵımaratty qaǵyp ketken. Soqqy saldarynan kirpish ǵımarattyń bir bóligi qırady.
«Bizdiń ushaqtardyń birine Iohannesbýrg áýejaıynda ushý kezinde zaqym keldi. 182 jolaýshynyń barlyǵy din aman. Ushaqta bolǵan adamdardyń eshqaısysy zardap shekken joq», - delingen áýe kompanııasynyń mıkroblogynda.
