180-nen astam qazaqstandyq kompanııa taýarlaryn Qytaı naryǵyna shyǵarý quqyǵyn aldy
«Qazaqstanda dál osy Astanada QHR Tóraǵasy Sı Tszınpın óziniń «Bir beldeý - bir jol» baǵdarlamasyn jarııalanǵan bolatyn. Endi mine 5 jyl ótkennen keıin onyń belgili bir deńgeıdegi qorytyndysyn shyǵarýymyzdyń da nyshandyq máni bar. Búgin biz ótkizip jatqan bıznes forýmǵa Qytaı tarapynan 150, al Qazaqstan tarapynan 300-den astam kompanııa qatysýda. Qytaı men Qazaqstan arasyndaǵy saýda qarqyny oń sıpatqa ıe. Jyl saıyn Qytaı saýda-sattyq úshin bizdiń tarapymyzǵa kóptegen taýarlyq pozıtsııalardy ashyp otyr. Qazirgi ýaqyttyń ózinde 180-nen astam qazaqstandyq kompanııa qytaılyq ınspektsııadan ótip, óz taýarlaryn Qytaı naryǵyna jetkizý quqyǵyna ıe boldy», - dedi ol.
Sonymen qatar ol búginde Qytaı álemdegi eń keleshegi zor naryqtardyń birine aınalyp otyrǵanyn basa aıtty.
«Ol taıaý besjyldyqqa kólemi boıysha birinshi satý naryǵy bolady. Aǵymdaǵy jyly Qazaqstan úshin ataýly oqıǵalar ótti. Qarasha aıynda Shanhaı ımport kórmesinde Qazaqstan ulttyq stendin uıymdastyrýdy josparlap otyr. Bıyldyń ózinde bizdiń Qytaıǵa eksportymyz 5 mlrd 600 mln dollardan asyp tústi», - dedi Nuraly Bókeıhanov.