180 memleket plastık sanyn azaıtýǵa kelisti - BUU
NUR-SULTAN. QazAqparat - Kanadanyń Premer-mınıstri Djastın Trıýdo 2021 jyly teńizdegi qaldyqtardy azaıtý maqsatynda zııandy bir rettik plastıkterden múldem bas tartatynyn habarlady, dep jazady VVS basylymy.
Avtordyń aıtýynsha, Eýropalyq Odaq ta byltyr osyǵan uqsas zań qabyldaǵan.
«Búgingi tańda Kanadada plastık qaldyqtardyń 10%-y qaıta óńdeledi. Plastıkpen lastaný jahandyq problema sanalatyndyqtan, Kanada da plastıkke qarsy kúresti qolǵa alǵan», dep jazady avtor.
Mamyr aıynda BUU 180 memlekettiń teńizge túsetin plastık sanyn azaıtý týraly kelisimge qol jetkizgenin habarlady.
«Mundaı plastıkter teńizge túsken soń balyq, teńiz tasbaqalary men basqa da jándikterge zııanyn tıgizetindikten problemamen kúresý mańyzdy», - deıdi avtor.
Onyń jazýyna qaraǵanda, Kanadanyń da bul kelisimge qosylý sebebi, munda jylyna 3 mıllıon tonna qaldyq tastalady.
«2018 jyly qazan aıynda Eýropalyq Odaq teńizdiń lastanýyn toqtatý úshin bir rettik plastık ónimderin paıdalanýǵa túbegeıli tyıym salý týraly usynysqa daýys bergen edi. Kelisim 2021 jyly kúshine enbek» dep jazady avtor.
