18 jolaýshysy bar ushaq joǵalyp ketti
ASTANA. QazAqparat - Nepalda Nepal Airlines áýe kompanııasynyń ushaǵy joǵalyp ketti, dep habarlaıdy lenta.ru.
Laıner Pokhar týrıstik kýrortynan jergilikti ýaqyt boıynsha 13.30-da eldiń batysynda ornalasqan qalalardyń birine qaraı baǵyt alyp ushyp shyqqan eken, alaıda 15 mınýt ótkennen keıin radardan joǵalyp ketken.
Nepal polıtseıleri ushaq bortynda 14 jolaýshysy bar ekendigin aıtýda. Al Associated Press agenttigi ózderiniń derekkózderine súıenip, ushaqta 18 adam bar dep habarlaýda. Onyń 15-i jolaýshy bolsa, qalǵandary - ekıpaj músheleri.
