18 jeltoqsanda ótetin mańyzdy sharalarǵa sholý
NUR-SULTAN
Saǵat 10.00-de Astana HUB ǵımaratynda Qazaqstan Respýblıkasynyń Qarjy mınıstrligi júzege asyratyn Open API formatyndaǵy qyzmetterdiń, sondaı-aq «Salyq ámııany» júıesniń aldyn-ala kórsetilimi ótedi. Іs-shara barysynda «Salyq ámııanynyń» jumysymen Qarjy vıtse-mınıstri Rýslan Eńsebaev tanystyrady.
Saǵat 12.20-da Ortalyq kommýnıkatsııalar qyzmetinde Nur-Sultan qalasynyń ákimi Altaı Kólginovtyń qatysýymen baspasóz máslıhaty bastalady.
Saǵat 15.00-de Qazaqstan Respýblıkasy Ulttyq mýzeıinde 2019 jylǵy «Altyn Adamnyń álem mýzeılerine sherýi» atty halyqaralyq kórme jobasynyń qorytyndysy boıynsha baspasóz máslıhaty ótedi. Іs-shara barysynda mýzeı qyzmeti salasynda tájirıbe almasý boıynsha sheteldik áriptesterimen kezdesý uıymdastyrylady. Baspasóz máslıhatyna Altyn Adam 2019 jyly usynylǵan alty mýzeıdiń ókilderi qatysady. Qorytyndy baspasóz konferentsııasy aıasynda belgili qazaqstandyq arheolog-ǵalym, Qazaqstannyń ulttyq arheologııa mektebiniń negizin qalaýshy Kemel Aqyshevtyń týǵanyna 95 jyl tolýyna arnalǵan derekti fılm usynylady. Іs-shara barysynda «Altyn Adamnyń álem mýzeılerine sherýi» halyqaralyq kórme jobasynyń qorytyndysy boıynsha fotokórme ashylady.
Saǵat 17.00-de Ulttyq mýzeıde «Qazaq Altaıynyń qazynasy» kórmesiniń ashylýy ótedi. Kórmede birinshi ret t.ǵ.d., professor Z. Samashevtyń oryndaýymen «Eleke Sazy» qorǵanynan tabylǵan jetinshi «Altyn adamnyń» ǵylymı rekonstrýktsııasy usynylady.
Saǵat 19.00-de «The Ritz Carlton» qonaq úıinde «Bir álem – bir ómir» «One world – one life» halyqaralyq jastar grand baly uıymdastyrylady. Jobanyń maqsaty, qasıetti de kıeli qazaq eliniń tamyry tereńge jaıylǵan tarıhyn, ónege men tárbıege tunǵan salt-dástúrin tanystyrý. Nur-Sultan qalasynyń jastary keshte kópshilik nazaryna «Polonezadan» bastap, «Jastar valsine» deıin barlyq bı túrlerin usynady.
