18 jeltoqsan. Tulǵalar týǵan kún
ASTANA. KAZINFORM — Búgin, ıaǵnı 18 jeltoqsan kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.
ESІMDER
80 jyl buryn(1944) memleket jáne qoǵam qaıratkeri, Qazaqstan Respýblıkasy Parlament Senaty janyndaǵy senatorlar keńesiniń múshesi Oralbaı Ábdikárimuly ÁBDІKÁRІMOV dúnıege keldi.
Qaraǵandy oblysy Nura aýdanynda týǵan. Qaraǵandy memlekettik ýnıversıtetin, Almaty joǵary partııa mektebin bitirgen. Qaraǵandy qalalyq halyqtyq baqylaý komıtetinde, partııa organdarynda, respýblıkalyq basqarý organdarynda memlekettik qyzmette bolyp, Prezıdent Apparaty basshysynyń orynbasary – uıymdastyrý-baqylaý bóliminiń meńgerýshisi, Qazaqstan Respýblıkasy Prezıdenti Ákimshiliginiń basshysy, Qazaqstan Respýblıkasy Joǵary tártiptik keńesiniń tóraǵasy, sybaılas jemqorlyqpen kúres jónindegi Memlekettik komıssııanyń tóraǵasy, Qazaqstan Respýblıkasynyń Memlekettik hatshysy, Qazaqstan Respýblıkasy Prezıdentiniń keńesshisi bolyp qyzmet istegen. Qazaqstan Respýblıkasy Joǵarǵy Keńesiniń on ekinshi shaqyrylymynyń depýtaty. 1999 jylǵy qarashada Qazaqstan Respýblıkasy Prezıdentiniń Jarlyǵymen Qazaqstan Respýblıkasy Parlamentiniń ekinshi shaqyrylymynda Senat depýtaty bolyp taǵaıyndalǵan. Qazaqstan Respýblıkasy Parlamenti Senatynyń Tóraǵasy bolyp saılanǵan. «Nur Otan» partııasynyń Sybaılas jemqorlyqpen kúres jónindegi qoǵamdyq keńesi tóraǵasynyń orynbasary.
II dárejeli «Barys» (2001), І dárejeli «Barys» (2009) TMD PAA-nyń «Sodrýjestvo» ordenderimen, medaldarmen marapattalǵan.
60 jyl buryn (1964) - Qazaqstannyń Italııa Respýblıkasyndaǵy, Malta Respýblıkasyndaǵy, San-Marıno Respýblıkasyndaǵy Tótenshe jáne Ókiletti Elshisi Erbolat Násenuly SEMBAEV dúnıege keldi.
Shyǵys Qazaqstan oblysynda týǵan. Qazaq ulttyq tehnıkalyq ýnıversıtetin, (1987); Mılan qalasyndaǵy Enrıko Matteı orta mektebin (1996) bitirgen.
Eńbek joly: kópjaqty yntymaqtastyq bóliminde, EQYU departamentinde jáne Eýropa departamentinde ártúrli laýazymdarda jumys istedi (1998-2001); Qazaqstan Respýblıkasynyń Italııa Respýblıkasyndaǵy Elshiliginiń birinshi hatshysy, keńesshisi, keńesshisi-elshisi (2001-2009); Syrtqy ister mınıstrligi Kópjaqty yntymaqtastyq departamentiniń dırektory (2013-2015); Qazaqstan Respýblıkasy Syrtqy ister mınıstrliginiń Erekshe tapsyrmalar jónindegi Elshisi (2016-2017); Qazaqstan Respýblıkasynyń Belgııadaǵy Elshiliginiń Mınıstrdiń keńesshisi, Eýropalyq Odaqtaǵy ókildigi basshysynyń orynbasary (2018-2021).
Qazirgi qyzmetin 2021 jyldan beri atqaryp keledi.
53 jyl buryn (1971) «SK-Farmatsııa» JShS basqarma tóraǵasy Erken Isahanuly JAQATAI dúnıege keldi.
Qazaq ulttyq tehnıkalyq ýnıversıtetin «Avtomattandyrý jáne basqarý júıeleri» mamandyǵy boıynsha (1994); T.Rysqulov atyndaǵy Qazaq ekonomıkalyq ýnıversıtetin «Qarjy jáne aýdıt» mamandyǵy boıynsha bitirgen (2001).
Eńbek joly: «Atakent» Qazaqstandyq iskerlik yntymaqtastyq ortalyǵy» AQ menedjeri (1994); Qazaqstan Respýblıkasy Memlekettik Dýma mınıstrliginiń Aktsızdik ónimderdiń óndirisi men aınalymyn baqylaý jónindegi memlekettik komıteti basqarmasynyń bastyǵy; Qazaqstan Respýblıkasy Indýstrııa jáne saýda mınıstrliginiń basqarma basshysy; Aqmola oblysy ákiminiń keńesshisi; «Damý» Qory» AQ, «Qazyna» qarjylyq ınvestıtsııalyq qorynyń basqarýshy dırektory; «Ulttyq medıtsınalyq holdıng» AQ tóraǵasynyń ekonomıka jáne qarjy jónindegi orynbasary; Qazaqstan Respýblıkasy Indýstrııa jáne saýda mınıstriniń jáne Baılanys jáne aqparat mınıstriniń keńesshisi; Qazaqstandyq qamtýdy damytý jónindegi ulttyq agenttik basqarma tóraǵasynyń jáne Qazaqstan Respýblıkasy Premer-Mınıstriniń orynbasarynyń keńesshisi; Qazaqstan Respýblıkasy Indýstrııa jáne jańa tehnologııalar mınıstrligi Jer qoınaýyn paıdalaný departamentiniń dırektory (2010); jeke sektordaǵy jumys (2021-2024).
2024 jyldyń shilde aıynan beri qazirgi qyzmetinde.
52 jyl buryn (1972) Qazaqstan Respýblıkasy Joǵary esep palatasynyń tóraǵasy Álıhan Ashanuly SMAIYLOV dúnıege keldi.
Almaty qalasynda týǵan. 1994 jyly Ál-Farabı atyndaǵy Qazaq memlekettik ulttyq ýnıversıtetin qoldanbaly matematıka mamandyǵy boıynsha bitirdi. 1996 jyly Qazaqstan Respýblıkasy Prezıdenti janyndaǵy Qazaq menedjment, ekonomıka jáne boljaý ınstıtýtyn tamamdap, memlekettik basqarý magıstri dárejesin alǵan.
1993-1995 jyldary «A-Invest» ınvestıtsııalyq-jekeshelendirý qorynyń bas mamany. 1996-1998 jyldary Qazaqstan Respýblıkasy Ulttyq statıstıka agenttiginiń basqarma bastyǵynyń orynbasary, basqarma bastyǵy. 1998 jylǵy naýryz ben sáýir aralyǵynda Qazaqstan Respýblıkasy Statıstıkalyq josparlaý jáne reformalar agenttiginiń Statıstıka jáne taldaý komıteti tóraǵasynyń orynbasary. 1998-1999 jyldary Qazaqstan Respýblıkasy Prezıdenti Ákimshiliginde bas sarapshy, sektor meńgerýshisi, memlekettik ınspektor. 1999-2003 jyldary Qazaqstan Respýblıkasy Statıstıtka agenttiginiń tóraǵasy. 2003 jylǵy aqpan men shilde aralyǵynda Qazaqstan Respýblıkasy Syrtqy ister vıtse-mınıstri. 2003-2006 jyldary «Eksporttyq kredıtter men ınvestıtsııalardy saqtandyrý jónindegi memlekettik saqtandyrý kompanııasy» AQ basqarmasynyń tóraǵasy. 2006-2007 jyldary Qazaqstan Respýblıkasy Qarjy vıtse-mınıstri. 2007-2008 jyldary «QazAgro» Ulttyq holdıngi» AQ prezıdenti. 2008-2009 jyldary Qazaqstan Respýblıkasy Qarjy vıtse-mınıstri. 2009-2014 jyldary Qazaqstan Respýblıkasy Statıstıka agenttiginiń tóraǵasy. 2014-2015 jyldary Qazaqstan Respýblıkasy Ulttyq ekonomıka mınıstrliginiń Statıstıka komıtetiniń tóraǵasy. 2015 jylǵy jeltoqsanda Memleket basshysynyń Jarlyǵymen Qazaqstan Respýblıkasy Prezıdentiniń kómekshisi bolyp taǵaıyndaldy. 2019-2020 jyldary – Qazaqstan Respýblıkasy Premer-mınıstriniń birinshi orynbasary – Qazaqstan Respýblıkasynyń Qarjy mınıstri. Qazaqstan Respýblıkasy Premer-Mınıstriniń birinshi orynbasary (2020-2022).
2024 jyldyń sáýir aıynan bastap qazirgi qyzmetinde.
«Qurmet» ordenimen, «Eren eńbegi úshin», «Qazaqstan táýelsizdigine 10 jyl», «Qazaqstan Konstıtýtsııasyna 10 jyl», «Astanaǵa 10 jyl» medaldarymen marapattalǵan. «1 rangty keńesshi» dıplomatııalyq rangy bar.
47 jyl buryn (1977) VIII saılanǵan Astana qalasy máslıhatynyń depýtaty, Astana qalasy máslıhatynyń zańdylyq, quqyqtyq tártip jáne halyqpen jumys máseleleri jónindegi turaqty komıssııasynyń múshesi, telejúrgizýshi, prodıýser, medıa-menedjer, tanymal jýrnalıst Láıla Sultanqyzy SEŃGІRBEKOVA dúnıege keldi.
Shymkent qalasynda týǵan. Ál-Farabı atyndaǵy Qazaq ulttyq ýnıversıtetiniń jýrnalıstıka fakýltetin támamdaǵan.
Eńbek jolyn 1999 jyly «Shahar» telearnasynyń prodıýseri bolyp bastap, «Hit TV»arnasynda dırektor, «Qazaqstan» RTRK AQ prodıýser laýazymdarymen jalǵastyrdy. «KazMedia Mobile» JShS bas dırektory, «Kıno+Serıal» baspasynyń bas redaktory. 2017 jylǵa deıin «Qazaqstan» ulttyq arnasyndaǵy «Áıel baqyty» tok-shoýynyń avtory jáne júrgizýshisi, «Balapan» telearnasynyń dırektory boldy. «Jibek Joly» telearnasyndaǵy «Suhbat. Láılá Sultanqyzymen» baǵdarlamasynyń avtory ári júrgizýshisi.
2023 jyldyń naýryz aıynan bastap qazirgi qyzmetinde.
40 jyl buryn (1984) Qazaqstan Respýblıkasy Parlamenti Senatynyń depýtaty Álisher Ǵapirjanuly SATYBALDIEV dúnıege keldi.
Ońtústik Qazaqstan oblysy (qazirgi Túrkistan), Saıram aýdany, Saıram aýylynda týǵan. M.Áýezov atyndaǵy Ońtústik Qazaqstan memlekettik ýnıversıtetin «Tarıh, quqyq jáne ekonomıka negizderi» mamandyǵy boıynsha (2007); «Mıras» ýnıversıtetin zańger mamandyǵy boıynsha bitirgen (2015).
Eńbek joly: «Nur Otan» partııasy Saıram aýdandyq fılıalynyń esep jáne statıstıka sektorynyń meńgerýshisi – bas esepshi (2007-2016), «Janýbıı Qozoǵıston» qoǵamdyq-saıası gazetiniń dırektory - bas redaktory (2016-2023).
2023 jyldyń qańtar aıynan beri qazirgi qyzmetinde.
«Qazaqstan halqy Assambleıasyna 25 jyl» (2020), «Meıirim» (2020), «Qazaqstan Respýblıkasynyń Táýelsizdigine 30 jyl» (2021) medaldarymen marapattalǵan.