18 jastaǵy qyzdyń ólimi: Qostanaılyq polıtseıler kómek surady
QOSTANAI. QazAqparat - Qostanaı oblystyq ishki ister departamentiniń baspasóz qyzmeti turǵyndarǵa úndeı jarııalady, dep habarlaıdy QazAqparat tilshisi.
«20 shilde kúni saǵat 22:00-den 23:00-ge deıingi aralyqta Qostanaı - Zatobol avtojolynan ótken júrgizýshilerden avtomobılderiniń vıdeotirkeýishteri túsirgen jazbalardy polıtsııaǵa usynýyn suraımyz, sondaı-aq turǵyndardan 18 jastaǵy qyzdyń ólimine qatysty jaıttar boıynsha 102, 52-60-21, 52-60-22, 52-60-54 telefon nómirlerine habarlasýyn suraımyz», - delingen habarlamada.
Eske sala keteıik, 20 shildede Qostanaı oblysynyń Zatobol kentinde 18 jastaǵy Darıa Mahartova habar-osharsyz ketken bolatyn.
Ókinishke qaraı, erteńine onyń denesi Qostanaı qalasynyń irgesindegi orman alqabynan tabylǵan.
QR QK-niń 99-baby (adam óltirý) boıynsha sotqa deıingi tergep-tekserý amaldary bastaldy. Jedel izdestirý sharalary júrgizilip jatyr.
