18 jastaǵy qostanaılyq qyzdyń ólimi: is sotqa jetti
QOSTANAI. QazAqparat - 18 jastaǵy Darıa Mahartovanyń ólimine qatysty qylmystyq is sotqa tústi, dep habarlaıdy QazAqparat tilshisi oblystyq sottyń baspasóz qyzmetine silteme jasap.
«2018 jyldyń 25 jeltoqsanynda Qostanaı oblysynyń qylmystyq ister jónindegi mamandandyrylǵan aýdanaralyq sotyna R. ıÝ. Ajanovqa jáne A.A.Shevchenkoǵa qatysty qylmystyq is kelip tústi» delingen oblystyq sottyń baspasóz qyzmeti taratqan habarlamada.
Aıta ketý kerek, eki kúdikti de erekshe qatygezdikpen adam zorlaǵany, adamdar toby jasaǵan jynystyq sıpattaǵy kúsh qoldaný áreketteri, basqa qylmysty jasyrý nemese onyń jasalýyn jeńildetý maqsatynda asa qatygezdikpen adam óltirgeni úshin aıyptalyp otyr.
Buǵan deıin habarlaǵanymyzdaı, 20 shilde kúni saǵat 22.00 shamasynda Qostanaı oblysynyń Zatobol kentinde 18 jastaǵy Darıa Mahartova úıinen shyǵyp ketip, qaıtyp oralmaǵan. Keıinirek boıjetkenniń denesi orman alqabynan tabyldy. Іs materıaldarynda kórsetilgendeı, polıtseılerdiń óz mindetin durys atqarmaýynan kýágerler habarlaǵan qylmys orny jiti qaralmaı, Qostanaı AІІB jedel kezekshi kómekshisiniń nusqaýy elenbegen.
