18 jastaǵy Qazybek Nógerbek jyldam shahmattan álem chempıony atandy
NUR-SULTAN. QazAqparat – 18 jastaǵy qazaqstandyq Qazybek Nógerbek jyldam shahmattan álem chempıony atandy, dep habarlaıdy QazAqparat.
Onyń jetistigi ortalyq shahmat klýbynyń málimdemesinen belgili boldy.
«Jańa ǵana 18 jasqa deıingi jasóspirimder arasynda World Youth Rapid Championships 2022 Open Under 18 rapıdten álem chempıonaty aıasyndaǵy ashyq týrnırdiń sońǵy kezeńi aıaqtaldy. Onda bizdiń shákirtimiz Qazybek Nógerbek birinshi oryndy jeńip alyp, 18 jasqa deıingi jastar arasynda rapıdten álem chempıony atandy! Qazybekti quttyqtap, aldaǵy blıts-týrnırde sáttilik tileımiz», - delingen klýbtyń Instagram paraqshasynda.
Chempıonat Grekııanyń Rodos aralynda ótip jatyr.
