18 jastaǵy qazaqstandyq tennısshi álemdik reıtıngide birden 87 orynǵa kóterildi
ASTANA. QazAqparat – Áıelderdiń tennıs qaýymdastyǵy (WTA) sportshylardyń jeke jáne juptyq syndaǵy reıtıngileriniń jańartylǵan nusqasyn jarııalady, dep habarlaıdy QazAqparat QR Tennıs federatsııasyna silteme jasap.
Qazaqstannyń úzdik tennısshisi Elena Rybakına 4-pozıtsııada qaldy. Eske salsaq, ótken aptada Rybakına Tsıntsınnatı (AQSh) týrnırinde óner kórsetken bolatyn. Alaıda 1/8 fınalda jaraqatyna baılanysty oıyndy jalǵastyrýdan bas tartty.
ıÝlııa Pýtıntseva burynǵysha 79-orynda tur.
Al 18 jastaǵy Arýjan Saǵyndyqovanyń reıtıngi bara-bara jaqsaryp keledi. Eki apta buryn ol 1056-pozıtsııadan turǵan edi. Ótken aptada 958-orynǵa kóterilse, qazir 871-pozıtsııada ornalasqan.
Juptyq synda Anna Danılına eki pozıtsııasyn joǵaltyp, 28-inshi boldy. Al Jibek Qulambaeva 178-orynda tur.
