18 jastaǵy qazaqstandyq fýtbolshy Túrkııa klýbyndaǵy alǵashqy kezdesýin ótkizdi
NUR-SULTAN.QazAqparat – Fýtboldan Qazaqstan jastar quramasynyń eks-oıynshysy Mıkael Asqarov Túrkııada óner kórsetedi, dep habarlaıdy QazAqparat tilshisi.
Túrkııanyń «Fenerbahche» jastar klýbynda oınaıtyn Mıkael 2002 jyly Shymkent qalasynda dúnıege kelgen. Qazaqstan azamattyǵy bar. 2011 jyly onyń ata-anasy Túrkııaǵa kóship ketken. Degenmen, fýtbolshy 2018 jyly Qazaqstan jastar quramasynyń sapynda dop tepti.
Mıkael Asqarovtyń alǵashqy kezdesýi 3:3 esebimen aıaqtaldy. Onyń komandasy «Karagıýmrıýk» klýbyna qarsy shyqty. Asqarov matchtyń 75-mınýtynda ornyn áriptesi Gıýrkanǵa bosatty.
Aıta keteıik, Mıkael Asqarov «Fenerbahche» sapynda Luiz Gustavo, Sinan Gümüş, Mert Hakan Yandaş, Diego Perotti, Kemal Ademi, Pappis Cisse sııaqty ataqty fýtbolshylarmen birge oınady.
