18 jastaǵy qostanaılyq jigit joldasyn pyshaqtap óltirdi

Eki jigittiń arasynda janjal shyǵyp, saldarynan bireýi qaıtys boldy. Oqıǵa tańǵy ýaqytta bolǵan, dep habarlaıdy Kazinform.

Oqıǵany Qostanaı oblystyq polıtsııa departamenti rastady.

— 8 qarasha kúni saǵat 05:30 shamasynda Dosjanov kóshesindegi oıyn-saýyq mekemeleriniń biriniń janynda bolǵan janjal kezinde 18 jastaǵy jigit 22 jastaǵy qarsylasyn pyshaqtap ketken. Alǵan jaraqatyna baılanysty er adam oqıǵa ornynda kóz jumdy, — dep jaýap berdi polıtsııanyń baspasóz qyzmeti.

Atalǵan fakt boıynsha polıtsııa QR QK 99-babynyń 1-bóligi boıynsha sotqa deıingi tergeý amaldary bastaldy.

Qajetti tergeý áreketteri júrgizilip, tıisti saraptamalar taǵaıyndaldy.

Kúdikti ýaqytsha ustaý ızolıatoryna qamaýǵa alyndy.