18 jastaǵy Ámir Omarhanov Týnıstegi jarystyń jartylaı fınalyna shyqty
ASTANA. KAZINFORM — Qazaqstandyq tennısshi, álemniń 757-raketkasy, 18 jastaǵy Ámir Omarhanov Monastır (Týnıs) ITF M15 týrnıriniń jartylaı fınalyna joldama aldy.
Qazaqstandyq sportshy aldymen óziniń qurdasy, reıtıngide 1 607-oryndaǵy ulybrıtanııalyq Benjamın Gýsıch Vandy aıqyn basymdylyqpen jeńdi — 6:1, 6:0.
Ámir ekinshi aınalymda reıtıngide 1 594-satydaǵy marokkolyq Amın Jamjımen tartysty match ótkizdi. Bastapqy partııada marokkolyq sportshynyń mereıi ústem boldy — 7:6 (7:2). Degenmen budan keıin Omarhanov kambek jasaı bildi — 6:4, 6:3.
Á.Omarhanov búgin shırek fınalda da kambekpen jeńiske jetti. Bul joly ol álemniń 913-raketkasy, ırandyq Kasra Rahmanıdyń meselin qaıyrdy — 5:7, 6:4, 6:4.
Qazaqstannyń jas juldyzy fınalǵa shyǵý úshin álemniń 857-raketkasy, 27 jastaǵy germanııalyq Lýka Vıdenmanmen talasady.
Eske sala keteıik, budan buryn Anna Danılınanyń Indıan-Ýells týrnıriniń fınalyna shyqqanyn jazǵan bolatynbyz. Sondaı-aq Elena Rybakına Indıan-Ýells týrnıriniń jartylaı fınalyna joldama aldy.
Elena Rybakına WTA Live reıtıngisinde ekinshi orynǵa kóterildi.
Elena Rybakına TOP-10-ǵa kiretin tennısshilerdi qatarynan 11 ret jeńdi.
