18 jastaǵy Ámir Omarhanov Týnıstegi týrnırde qarsylasyn kambekpen jeńdi

ASTANA. KAZINFORM – Qazaqstandyq tennısshi, álemniń 798-raketkasy, 18 jastaǵy Ámir Omarhanov Monastır (Týnıs) ITF M15 týrnırin jeńispen bastady.

Jarystyń 5-raketkasy bolyp tirkelgen Ámir alǵashqy aınalymda reıtıngide 1 187-oryndaǵy ıtalııalyq, 22 jastaǵy Leonardo Prımýchchıdiń mysyn basty. 

Asa tartysty ótken básekede birinshi sette ıtalııalyq sportshy taı-breıkte basym tústi – 7:6 (7:5). Degenmen budan keıin Á.Omarhanov tarazy basyn aýdara bildi – 6:4, 6:2. 

Ámir Omarhanov shırek fınalǵa shyǵý úshin reıtıngide 1 100-satydaǵy ońtústikkoreıalyq Kım Djýn Gýnmen talasady. 

Qazaqstandyq jas tennısshige reıtıngilik upaı qoryn molaıtý úshin osyndaı dodalarda barynsha sátti óner kórsetý kerek-aq. 

Eske sala keteıik, budan buryn Zańǵar Nurlanulynyń álemdik reıtıngide TOP-10-ǵa kirgenin jazǵan edik.

Sondaı-aq Devıs kýbogynda Qazaqstan men Monako quramynda kimder oınaıtyny habarlandy.

Elena Rybakına eıs sany boıynsha kósh bastady.