18 jastaǵy Ámir Omarhanov álemdik reıtıngide taǵy bir úzdik kórsetkishine qol jetkizdi

ASTANA. KAZINFORM — Kásibı tennısshiler qaýymdastyǵy (ATP) jańartylǵan reıtıngini jarııa etti.

Qazaqstandyqtardan Aleksandr Býblık — 11, Aleksandr Shevchenko 95-ornyn saqtady.

Sondaı-aq Dmıtrıı Popko (223), Tımofeı Skatov (239), Beıbit Juqaevtyń (280) nátıjeleri ózgermese, Denıs Evseev 371-den 370-ke aýysty.

18 jastaǵy Ámir Omarhanov ótken aptada 1 100-den 859-satyǵa kóterilip, álemdik reıtıngidegi óziniń úzdik kórsetkishine qol jetkizgen edi. Bul joly ol taǵy bir jeke rekordyn tirkep, birden 828-orynǵa (+31) kóterildi.

Sonymen qatar Grıgorıı Lomakın 961-den 922-ge joǵarylady. 

Áıelder arasynda WTA reıtıngisinde Elena Rybakına 5-orynda qalsa, ıÝlııa Pýtıntseva 72-den 71-ge, Zarına Dııas 284-ten 283-ke qaıta shyqty. Jibek Qulambaeva 334-ten 340-qa tómendedi. 

Eske sala keteıik, budan buryn qazaqstandyq jas tennısshiniń Úndistanda qatarynan eki týrnırde top jarǵanyn jazǵan bolatynbyz.