18 jastaǵy Ámir Omarhanov álemdik reıtıngide birden 241 satyǵa joǵarylady

ASTANA. KAZINFORM — Qazaqstandyq tennısshilerdiń álemdik reıtıngidegi oryndary belgili boldy. 

Kásibı tennısshiler qaýymdastyǵy (ATP) reıtıngisinde Qazaqstannyń birinshi raketkasy Aleksandr Býblık 11-orynda qalsa, Aleksandr Shevchenko 96-dan 95-ke aýysty.

Dmıtrıı Popko 224-ten 223-ke kóterilse, Tımofeı Skatov 239-ǵa turaqtady. Beıbit Juqaev 279-dan 280-ge, Mıhaıl Kýkýshkın 294-ten 299-ǵa tómendedi. 

Jańartylǵan reıtıngide erekshe serpilis jasaǵan qazaqstandyq tennısshiniń biri Denıs Evseev boldy. Ótken aptada Islamabad (Pákistan) chellendjer týrnıriniń jartylaı fınalyna deıin jetken qazaqstandyq tennısshi 404-ten birden 371-ge shyqty.

Sondaı-aq Monastırdegi (Týnıs) jarystyń jartylaı fınalyna deıin barǵan 18 jastaǵy Ámir Omarhanov 241 satyǵa joǵarylap, 1 100-den 859-ǵa kóterildi. 
Grıgorıı Lomakın de óz kórsetkishin jaqsartyp, 975-ten 961-ge aýysty.

Sondaı-aq 1 742-orynǵa jaıǵasqan 17 jastaǵy Zańǵar Nurlanulyn da atap ótýge bolady.

Áıelder arasynda Qazaqstannyń birinshi raketkasy Elena Rybakına WTA reıtıngisinde burynǵysha úzdik bestikti túıindep tur. 

ıÝlııa Pýtıntseva 72-orynda qalsa, Aýstralııa ashyq chempıonatyna joldama alǵan Zarına Dııas 283-ten 284-ke, Jibek Qulambaeva 331-den 334-ke tústi.

Eske sala keteıik, budan buryn Zarına Dııastyń Aýstralııa ashyq chempıonatyna joldama alǵanyn jazǵan bolatynbyz.

Sondaı-aq Denıs Evseev juptyq synda Pákistandaǵy jarystyń jeńimpazy atandy.