18 jasqa tolmaǵandarǵa nege vaktsınatsııa salynbaıdy – Aıjan Esmaǵambetova túsindirdi

NUR-SULTAN. QazAqparat – QR Densaýlyq saqtaý mınıstrligi Sanıtarlyq-epıdemıologııalyq baqylaý komıtetiniń tóraıymy Aıjan Esmaǵambetova 18 jasqa tolmaǵandarǵa koronavırýsqa qarsy vaktsına nege salynbaıtynyn túsindirdi, dep habarlaıdy QazAqparat tilshisi.

«Búginde 18 jasqa deıingi balalarǵa vaktsına salynbaıdy. Olarǵa vaktsına qarsy kórsetilim bolǵandyqtan salynbaı otyrǵan joq. Sebebi halyqtyń dál osy toby úshin klınıkalyq zertteýler jetkilikti deńgeıde júrgizilmegen», - dedi ol Ortalyq kommýnıkatsııalar qyzmetindegi brıfıng barysynda.

Sonymen qatar ol aldaǵy ýaqytta koronavırýsqa qarsy vaktsınanyń balalarǵa áserine qatysty klınıkalyq zertteýler júrgiziletindigine úmit artatyndyǵyn aıtty.

«Keleshekte zertteýler shyǵyp, balalar úshin de vaktsına tıimdi ári qaýipsiz ekendigi aıtylýy múmkin. Mine, sol kezde olarǵa da vaktsına salý múmkindigin qarastyramyz. Al qazirgi ýaqytta 18 jastan asqan adamdar ǵana vaktsınatsııalaý tobyna jatady», - dedi Aıjan Esmaǵambetova.