18 jasqa tolmaǵandardy jumysqa qabyldaý barysynda synaq merzimi bolmaıdy
Bul qujat «Memlekettik jastar saıasaty týraly» zań jobasyna ilespe qujat bolyp tabylady jáne ol boıynsha 18 jasqa tolmaǵandar úshin jumysqa qabyldaýda synaq merzimi qarastyrylmaıtyn norma qamtylyp otyr.
Budan bólek, zań jobasy boıynsha jumysqa alǵash kirgen jas mamanǵa eki jyldan kem bolmaıtyn merzimge eńbek shartyn jasaý týraly norma engizilip otyr. Sonymen qatar, 18 jasqa tolmaǵan jastarǵa, sonymen birge tehnıkalyq jáne kásibı orta bilimnen keıingi joǵary oqý ornynan keıingi bilim berý uıymdarynda oqý bilim baǵdarlamalaryn ıgergen, olardy bitirgen kúnnen bastap 1 jyldan keshiktirmeı alǵan mamandyǵy boıynsha jumysqa alǵash kiretin mamandarǵa synaq merzimi bekitilmeıdi.
Tutastaı alǵanda zań jobasy jastardyń eńbek salasyndaǵy quqyqtaryn qorǵaýǵa baǵyttalady. Budan bólek, zań jobasynda jas mamandarmen eńbek kelisimshartyn jasasý merzimi qamtylyp, synaq merzimi qarastyrylmaıtyn sanattar keńeıtildi.
Májilis maquldaǵan zań jobasy Senatqa joldanady.