18 jasqa tolǵan Dııasbek Joljaqsıev daýys berý quqyǵyn paıdalandy

TÚRKІSTAN. QazAqparat – Daýys berý konstıtýtsııalyq quqyǵyn alǵash paıdalanǵan Shardara aýdanynyń 18 jastaǵy turǵyny Dııasbek Joljaqsıevke referendým ýchaskesinde syılyq berildi, dep habarlaıdy QazAqparat tilshisi.

Dııasbek Joljaqsıevtiń bul ómirindegi eń alǵashqy daýys berýi. Tańerteńmen Shardara qalasyndaǵy №852 referendým ýchaskesine kelgen ol, arnaıy syılyqqa ıe boldy.

«Men óz tańdaýymdy jasadym. Elimizdiń erteńi jarqyn bolýy kerek. Sebebi, elimniń bolashaǵy –bul meniń bolashaǵym», - deıdi ol.

Jalpy Shardara aýdanynda halyqtyń belsendiligi joǵary. Tańerteńmen kelip daýys berýshilerdiń arasynda áskerı qyzmetshiler men medıtsına, bilim salasynyń mamandary, erikti jastar men qarııalar da boldy.

Sondaı-aq Semeı ıadrolyq polıgony qozǵalysynyń tóraǵasy Nazar Toqsanbaev otbasymen birge óz tańdaýyn jasady. Qoǵamdyq kelisim keńesiniń tóraǵasy Qystaý Іlesov te referendýmda daýys berip, naýqan qatysýshylaryna batasyn berdi.