18 jasqa deıingi hokkeıshiler arasyndaǵy Álem chempıonatynda qazaqstandyqtar kelesi jyly da «V» tobyna óner kórsetetin boldy
ALMATY. 18 sáýir. QazAqparat - Keshe túnde Vengrııanyń Sekeshfehervare qalasynda hokkeıden 18 jasqa deıingi jastar arasyndaǵy Álem chempıonatynda Birinshi dıvızonnyń «V» tobyndaǵy kóshbasshylar 5-týr oıyndaryn ótkizdi.
Onda kelesi jyly «A» tobynda baq synaýǵa múmkindik beretin joldama sarapqa salynǵan bolatyn. Qazaqstan men Belarýs quramalary arasyndaǵy bul oıyn 5:6 esebimen aıaqtaldy. Vasılıı Vasılchenko jattyqtyratyn qazaqstandyqtar kezdesýdiń birinshi kezeńinde 4:3 esebimen jeńiske jetken edi. Ekinshi kezeńde 0:3 esebimen qarsylastaryna ese jiberip aldy. Al úshinshi kezeńde 1:0 esebimen basym túskenimen, jalpy esep 5:6 bop aıaqtaldy. Sonyń nátıjesinde Qazaqstan quramasy kelesi jyly da "V" tobynda óner kórsetetin boldy, al Belarýs sportshylary "A" tobynda baq synaýǵa qol jetkizdi.
