18 jasar bozbala men er adam shomylamyn dep, sýǵa ketti
ASTANA. 28 mamyr. QazAqparat - Qazaqstanda 18 jasar bozbala men er adam sýǵa ketip, mert boldy, dep habarlaıdy QR TJM-niń baspasóz qyzmetinen.
Jeksenbi, 27 mamyr kúni Atyraý oblysy Almaly aýylynyń mańynda shomylý kezinde Jaıyq ózenine 18 jasar bozbala batyp ketti. Onyń denesi sýdan QR TJM Atyraý oblysy boıynsha TJD-niń sýdan-qutqarý qyzmetiniń 3 adamy men 1 tehnıkasynyń kómegimen shyǵaryldy.
Sol kúni Qostanaı oblysynda Teńiz aýylynyń mańyndaǵy sýaıdynynda shomylý barysynda 29 jastaǵy er adam sýǵa batyp ketti. Onyń denesin sýdan jergilikti turǵyndar alyp shyqty.
