18 tergeý ızolıatorynda jabyq saılaý ýchaskeleri quryldy - QR ІІM QAJK
ASTANA. QazAqparat - Qylmystyq-atqarý júıesiniń tergeý ızolıatorlaryndaǵy Qazaqstan Respýblıkasy Prezıdentin saılaý boıynsha jabyq saılaý ýchaskelerinde daıyndyq jumystary aıaqtalyp keledi, dep habarlady ІІM QAJ Komıtetiniń baspasóz qyzmetinen.
«Respýblıkanyń tergeý ızolıatorlarynda tergeý, sot organdary tarapynan tergeý amaldary men sot protsesteri júrgizilip otyrǵan azamattar ustalady. Azamattardyń atalǵan sanatynyń konstıtýtsııalyq quqyqtaryn iske asyrý úshin respýblıkadaǵy 18 tergeý ızolıatorynda jabyq saılaý ýchaskeleri quryldy.
Aǵymdaǵy jyldyń aqpan aıynan bastap aldaǵy saılaýǵa baılanysty uıymdastyrý sharalary bastaldy. Mysaly, kún saıyn belsendi saılaý quqyǵyna ıe azamattardyń esebi júrgizilip, jeke basyn kýálandyratyn qujattardyń rastalǵan kóshirmeleri suralýda, qajetti jýrnaldar bastalyp, bólmeler bólindi jáne t.b. sharalar atqaryldy. Búginde saılaý ýchaskeleri daıyn dep aıtýǵa bolady», - dep atap ótti QAJ Komıtetiniń tergeý ızolıatorlary bóliminiń bastyǵy Balabek Júnisov.
«Aldyn ala esepteý boıynsha, saılaýǵa búkil respýblıkada boıynsha tergeý-qamaýda júrgen, daýys berý quqyǵyna ıe úsh myńnan astam tulǵa qatysady», - dedi B.Júnisov.
