18 tamyzda Qazaqstanda ótetin mańyzdy sharalar ańdatpasy
NUR-SULTAN
11.00-de «Men mediakz» kross-medıa platformasynda «Sporttaǵy tartys: Qazaqstan taekvondosynda ne bolyp jatyr?» taqyrybynda baspasóz máslıhaty ótedi. Onlaın translıatsııa Men mediakz Feısbýk jáne Telegram paraqshalarynda kórsetiledi.
11.00-de Qazaqstan Halyq partııasy keńsesinde Kishi Taldykól problemasyna arnalǵan dóńgelek ústel ótedi.
19.00-de Chaplin Mega Silk Way kınoteatrynda «48 saǵatta túsirý» VII Ortalyq-Azııalyq qysqametrajdy fılmder baıqaýynda túsirilgen fılmder kórsetiledi.
ALMATY
10.30-de N. Nazarbaev Qorynda Álemdik ekonomıka jáne saıasat ınstıtýty «Ortalyq Azııa elderi ıntegratsııasynyń keleshegi» atty dóńgelek ústeldi ótkizedi.
12.00-de Qazaqstan Baspasóz klýbynda Almaty qalasynyń azamattary úshin tegin zań konsýltatsııasyn beretin «Zań konsýltatsııasy» ortalyǵynyń ashylýyna arnalǵan baspasóz konferentsııasy ótedi.