18 tamyz. Tulǵalar týǵan kún

ASTANA. QazAqparat – Búgin, 18 tamyz kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

48 jyl buryn (1975)QR Prezıdentiniń Ákimshiligi Memlekettik baqylaý jáne uıymdastyrý-aýmaqtyq jumys bólimi meńgerýshisiniń orynbasary Jomart Amangeldiuly ÁBIESOV dúnıege keldi.

Qazaq memlekettik basqarý akademııasyn (1996), Qazaq memlekettik zań akademııasyn (2000) «Qarjy jáne nesıe», «Quqyqtaný» mamandyqtary boıynsha bitirgen. Memlekettik basqarý magıstri («Bolashaq» Baǵdarlamasy, Lı Kýan ıÝ Memlekettik saıasat mektebi (Sıngapýr), Garvard Ýnıversıteti (AQSh), ekonomıka ǵylymdarynyń kandıdaty.

2002 jyldan 2008 jylǵa deıin Qazaqstan Respýblıkasy Prezıdenti Ákimshiliginiń Ekonomıkalyq saıasat basqarmasynyń Zertteýler júıesiniń ortalyǵynda sektor meńgerýshisi, bas ınspektor, meńgerýshiniń orynbasary, «Qazaqstan Respýblıkasy Úkimeti men Ulttyq banki basshylyǵyndaǵy Ulttyq taldamaly ortalyǵy» AQ Basqarma Tóraǵasynyń orynbasary, Qazaqstan Respýblıkasy Prezıdenti Ákimshiliginiń memlekettik baqylaý jáne uıymdyq-kadrlyq jumystar bólimi meńgerýshisiniń orynbasary, Qazaqstan Respýblıkasy Prezıdenti Ákimshiliginiń memlekettik qyzmet jáne kadrlyq saıasat bóliminiń meńgerýshisi qyzmetterin atqardy.

2008 jyldan 2011 jylǵa deıin «Samuryq-Qazyna» UÁQ AQ Basqarýshy dırektory -Departament dırektory qyzmetin atqardy.

2011-2014 jyldary «Qazaqstandyq memlekettik-jekeshelik áriptestik ortalyǵy» AQ Basqarýshy dırektory - basqarma múshesi qyzmetin atqarǵan.

QR Banknot fabrıkasy RMK dırektorynyń birinshi orynbasary (04.2014-12.2015); «Astana» halyqaralyq qarjy ortalyǵynda keńesshi (01.2016-03.2017); «Qazposhta» AQ transformatsııa jónindegi basqarýshy dırektory (04.2017-04.2018); «Kaspıı ÁKK» AQ Basqarma tóraǵasy (05.2018-01.2019); Strategııalyq bastamalar ortalyǵynyń basqarýshy seriktesi (02.2019-08.2019); QR Prezıdenti Ákimshiliginiń memlekettik basqarý bólimi meńgerýshisiniń orynbasary (09.2019-03.2020); QR Prezıdenti Ákimshiliginiń memlekettik ınspektory (03.2020-05.2020).

Qazirgi qyzmetinde – 2020 jylǵy mamyrdan bastap.

46 jyl buryn (1977) Aýyl sharýashylyǵy mınıstrliginiń Jer resýrstaryn basqarý komıtetiniń tóraǵasy, Qazaqstan Respýblıkasy Jerdi paıdalaný jáne qorǵaý jónindegi bas memlekettik ınspektor Murat Barıtuly TEMІRJANOV dúnıege kelgen.

Aqmola oblysy Býrabaı aýdany Naýryzbaı batyr selosynda týǵan. Sh. Ýálıhanov atyndaǵy Kókshetaý ýnıversıtetin bitirgen, AÓK salalaryndaǵy ınjener-ekonomıst; Qazaq gýmanıtarlyq zań ýnıversıteti, zańger bakalavry.

1998-2000 jyldary Kókshetaý qalasy boıynsha Salyq komıteti jeke tulǵalar bóliminiń salyq ınspektory. 2000-2001 jyldary Aqmola oblysy boıynsha Salyq komıteti aýdıt bóliminiń bas salyq ınspektory. 2001 j. – Aqmola oblysy Zerendi aýdany boıynsha Salyq komıteti tóraǵasy orynbasarynyń mindetin atqarýshy. 2001-2006 jyldary – «Ramýt» JShS qarjylyq dırektory. 2008-2011 jyldary – «Baımyrza-Agro» JShS bas dırektory. 2008-2013 jyldary – «Ramýt korporatsııasy» JShS qarjylyq dırektory, bas dırektory. 2013-2014 jyldary – QR Prezıdenti Ákimshiliginiń Qaýipsizdik Keńesiniń Ahýaldyq ortalyǵy, Astana qalasy – konsýltant. 2014-2016 jyldary – «AgroInterTech» JShS bas dırektory, Kókshetaý qalasy, 2012-2013 jyldary – 5-saılanǵan Aqmola oblystyq máslıhatynyń depýtaty, Ekonomıka jáne bıýdjet máseleleri jónindegi turaqty komıssııanyń tóraǵasy. Aqmola oblysy «Nur Otan» HDP Saıası keńesi Bıýrosynyń múshesi. 2015-2016 jyldary – 5-saılanǵan Aqmola oblystyq máslıhatynyń depýtaty, Depýtattyq ádep, zańdylyq, ekologııa jáne tabıǵat paıdalaný máseleleri jónindegi turaqty komıssııanyń múshesi. FMB NZM Qamqorshylyq keńesiniń tóraǵasy Kókshetaý qalasy, Sh. Ýálıhanov atyndaǵy ýnıversıtettiń Qamqorshylyq keńesiniń múshesi, Aqmola oblysy boıynsha «Atameken» UKP Óńirlik keńesiniń múshesi. 2016-2021 jyldary – Qazaqstan Respýblıkasy Parlamenti Májilisiniń VI shaqyrylymynyń depýtaty, Agrarlyq máseleler komıtetiniń múshesi. «Nur Otan» partııasynyń partııalyq tizim boıynsha saılanǵan.

2021 jyldan bastap qazirgi qyzmetinde.

«Qurmet» ordenimen (2009), «Qazaqstan Respýblıkasynyń táýelsizdigine 20 jyl», «QR máslıhatyna 20 jyl» medaldarymen, «Aýyl sharýashylyǵy salasynyń úzdigi», «Qazaqstan polıtsııasyna 20 jyl» tósbelgilerimen marapattalǵan.