18 tamyzda Zelenskıı Vashıngtonda Tramppen kezdesedi
ASTANA. KAZINFORM – AQSh prezıdenti Donald Tramp Pýtınmen sammıtten keıin Ankorıdjden qaıtyp kele jatqanda Ýkraına prezıdenti Vladımır Zelenskıımen sóılesti, dep habarlaıdy CNN.
Aq úıdiń baspasóz hatshysy Kerolaın Lıvıtttiń aıtýynsha, Tramp alty saǵattyq reıstiń kóp bóligin telefonmen sóılesýmen ótkizgen.
Zelenskııdiń keńsesi Tramppen sóılesý «uzaqqa sozylǵanyn» málimdedi. Prezıdentter aldymen ońasha sóz sóıledi, sodan keıin olarǵa eýropalyq kóshbasshylar qosyldy.
Zelenskıı Telegram arnasynda Trampqa Ýkraına-AQSh-Reseı úshjaqty konferentsııasyn ótkizýdi usynǵanyn málimdedi.
Ýkraına basshysy Tramppen kezdesý úshin 18 tamyzda Vashıngtonǵa baratynyn rastady.
Tramp Alıaskada Pýtınmen bolǵan sammıtten keıin Fox News telearnasyna bergen suhbatynda bári Vladımır Zelenskııge baılanysty ekenin aıtty.
Aq úı basshysy sondaı-aq Ýkraına jáne Reseı prezıdentterimen ótetin úshjaqty kezdesýge qatysýǵa daıyn ekenin málimdedi.
– Eger olar qalasa, men osy kezdesýde bolamyn. Endigi kezekte Zelenskıı men Pýtın arasyndaǵy jáne menimen kezdesýdi uıymdastyrmaqshy, - dedi ol.
Tramp sonymen birge Fox News-ke bergen suhbatynda Alıaskada Pýtınmen kezdesýin joǵary baǵalaǵady.