18 shildede profılaktıkalyq jumystarǵa baılanysty telearnalardyń habar taratýy ýaqytsha toqtaıdy
ASTANA. QazAqparat - 2016 jyldyń 18 shildede 03:00-den 17:00-ge deıin (Astana ýaqyty boıynsha) Teleradıo habarlaryn taratý salasyndaǵy Últtyq operator «Qazteleradıo» AQ jerseriktik jáne efırlik jelilerdiń tehnıkalyq quraldarynda servısterdi jaýyp, josparly-profılaktıkalyq jumystardy ótkizedi, dep habarlady kompanııanyń baspasóz-qyzmeti.
«Qazteleradıo» AQ josparlyq-profılaktıkalyq jumystardy toqsan saıyn ótkizedi.
«Toqsan saıynǵy josparlyq-profılaktıkalyq jumystar sapaly teleradıo habarlaryn taratýdy qamtamasyz etý úshin qajet, osy kezeńde tehnıkalyq quraldardy jańǵyrtý boıynsha qosymsha jumystar da ótkiziledi», - dep túsindirdi kompanııada.
Eske sala keteıik, sońǵy toqsan saıynǵy josparlyq-profılaktıkalyq jumystary 2016 jylǵy 18 sáýirde ótkizilgen.
- Profılaktıkalyq jumystardan keıin habar taratýda jańylysý paıda bolǵan jaǵdaıda abonentter óńirdegi satý ortalyǵyna baılanysý qajet (193, +7 (727) 258 15 00 nómirleri boıynsha call-center-ge qońyraý shalý) nemese abonenttik jabdyqty óz betimen kúıge keltirýge, atap aıtqanda: qabyldaǵyshtyń kúıge keltirýin zaýyttyq kúıge keltirýlerge túsirý kerek; qabyldaǵyshty (resıverdi) qorektendirý kózinen 2-3 mınýtqa óshirip, arnalardy qaıta izdeý kerek, - delingen habarlamada.
