18 shildede el aýmaǵynyń basym bóliginde aýa raıy qubylmaly bolady
ASTANA. QazAqparat - Atmosferalyq aǵyndardyń ótýine baılanysty Qazaqstannyń basym bóliginde turaqsyz aýa raıy saqtalady, dep habarlaıdy Qazgıdromet.
Keı jerlerde jańbyr jaýyp, naızaǵaı oınaıdy, burshaq jaýýy yqtımal, tek ońtústikte jáne soltústikte aýa raıy jaýyn-shashynsyz bolady. Respýblıka boıynsha keı jerlerde jel kúsheıip, shańdy daýyl soǵady, soltústikte túnde jáne tańerteń tuman túsýi yqtımal.
Jambyl, Túrkistan, kúndiz Qyzylorda oblystarynyń keı jerlerinde jeldiń 15-20 m/s kúsheıýi kútilýde.
Aqmola, Soltústik Qazaqstan,Qaraǵandy oblystarynyń keı jerlerinde túnde jáne tańerteń - tuman, kúndiz Qaraǵandy oblysynyń keı jerlerinde jeldiń jyldamdyǵy 18 m/s jetedi.
Shyǵys Qazaqstan oblysynyń keı jerlerinde jel 15-20 m/s, kúndiz burshaq jaýýy yqtımal.
Mańǵystaý, túnde Batys Qazaqstan, Aqtóbe, kúndiz Qostanaı oblystarynyń keı jerlerinde jeldiń 15-20 m/s kúsheıýi kútiledi.
Jambyl, Qyzylorda, Mańǵystaý, Atyraý, Batys Qazaqstan oblystarynyń basym bóliginde, Túrkistan, Qostanaı, Qaraǵandy oblystarynyń keı jerlerinde qatty ystyq saqtalady. Mańǵystaý oblysynda, Qyzylorda, Túrkistan, Atyraý oblystarynyń basym bóliginde, Batys Qazaqstan,, Aqtóbe, Jambyl oblystarynyń keı jerlerinde óte joǵary órt qaýpi bar.
