18 shilde kúni Qazaqstanda ótetin mańyzdy sharalarǵa sholý
ASTANA. QazAqparat - QazAqparat halyqaralyq aqparat agenttigi 18 shilde kúni Qazaqstanda ótetin mańyzdy sharalarǵa sholý usynady.
ASTANA
11.00-de «ORDA» Astana qalasynyń aýtızmmen aýyratyn balalardyń ata-analary qaýymdastyǵy psıhonevrologııalyq aýrýlary bar balalardy ońaltý jáne beıimdeýge arnalǵan «Altyn Orda» ortalyǵynyń resmı ashylýyn ótkizedi.
14.30-da Astanalyq tsırk manejinde álemge tanymal reseılik ártister Artýr jáne Karına Bagdasarovtardyń qatysýymen baspasóz máslıhaty ótedi. Haıýanattardy úıretýshiler balalar úıiniń jáne áleýmettik az qamtylǵan otbasylardyń balalaryna sheberlik sabaǵyn ótkizedi.
15.00-de Nazarbaev Ýnıversıtetiniń Medıtsına mektebi ǵımaratynda QR Densaýlyq saqtaý mınıstri Eljan Birtanovtyń qatysýymen elektrondy satyp alýdy ótkizýge arnalǵan elektrondy veb-portaldyń tanystyrylymy ótedi.
ALMATY
8.00-de «Qaskelen agroparki» aýmaǵyndaǵy tájirıbelik alqapta júrgizýshisi joq bos kombaın astyq jınaýǵa kirisedi. Bul tájirıbe Qazaqstanda tuńǵysh qoldanylýda.
10.00-de «Saltanat» qabyldaý úıinde «Qazaqstan salyq forýmy - 2018» bastalady.
11.30-da «Medeý» sport kesheniniń baspasóz zalynda AlmatyInternational Mountain Sports Festival úshinshi halyqaralyq taý festıvaline arnalǵan baspasóz máslıhaty ótedi.
12.00-de Qazaq onkologııa jáne radıologııa ǵylymı-zertteý ınstıtýtynda IBM WatsonforOncology onkologııa salasyndaǵy jasandy ıntellekt engizý jobasynyń tanystyrylymy ótedi.
TÚRKІSTAN OBLYSY
11:00-de Óńirlik kommýnıkatsııalar qyzmetinde Túrkistan oblysynyń Qurylys basqarmasynyń basshysy Jamashev Quttybek aǵymdaǵy jyldyń 6 aıynyń qorytyndysy boıynsha atqarylǵan jumystar jóninde baspasóz máslıhatyn ótkizedi.
