18 shilde. QazAqparat kúntizbesi
ATAÝLY KÚNDER
Dúnıejúzilik tyńdaý kúni
Bul kún tyńdaý arqyly beıbitshilik pen tabıǵatty, mádenıet pen qoǵamdy túsinýge baǵyttalǵan Álemdik tyńdaý jobasynyń, kommertsııalyq emes uıymnyń arqasynda paıda boldy. Ataýly kún kanadalyq kompozıtor, mýzyka muǵalimi, jazýshy, sýretshi, fılosof jáne qorshaǵan ortany qorǵaýshy Reımond Mıýrreı Sheıferdiń týǵan kúnine oraı tańdaldy. Ol eń aldymen «Álemdi bapta» kitaby men World Soundscape Project jobasy arqyly tanymal. Sheıfer zamanaýı akýstıkalyq ekologııa ǵylymynyń negizin qalaýshy bop sanalady.
ESTE QALAR OQIǴALAR
1907 jyly Shyǵys Qazaqstanda erekshe qurylys – shegesiz, aǵashtan jasalǵan meshit salyndy. Musylman jamaǵatynyń meshiti tarıhy negizinen 1812 jyldan bastaý alady. Dál osy jyly Aqqoltyq aýylyna tatar ultynyń ókilderi kelip qonystana bastaǵan. Keıinnen Sultanǵalı Nyǵmatollauly Fazylbekovtyń bastamasymen osy meshit qurylysy 1905 jyly bastalyp, ol eki jylǵa sozyldy. Meshit Qazan qalasyndaǵy aǵash meshitterge uqsatyp salynǵan.
2013 jyly Galats qalasynda (Rýmynııa) Qazaqstan Respýblıkasynyń qurmetti elshiliginiń resmı ashylý saltanaty ótti.
2014 jyly Astanada Sot tóreligi saraıy jańa ǵımaratynyń ashylý saltanaty ótti. Saraıda 50 májilis zaly bar, ol jerge Astana qalalyq soty, mamandandyrylǵan aýdanaralyq ekonomıkalyq sot, Esil aýdandyq soty jáne Esil aýdanynyń № 2 soty ornalasqan. Zaldarda sot protsesterin aýdıo- beınetirkeý jáne beınebaqylaý júıeleri ornatylǵan, beınekonferentsııa ótkizýge arnalǵan arnaıy qurylǵy bar. Azamattarǵa yńǵaıly bolý úshin zalda sot protsesterine qatysýshylarǵa sms-taratý jáne elektrondyq poshta arqyly avtomatty túrde habarlama jiberý júıesi qarastyrylǵan.
2014 jyly Astanada Nazarbaev Ýnıversıteti bazasynda Tehnologııalyq park ashyldy. Tehnoparktiń jalpy aýmaǵy 2 myń sharshy metrden asady.
2016 jyly ońtústik qazaqstandyq Karına Nájimeddınova Italııada ótken «Sun of Italy» halyqaralyq konkýrs-festıvaliniń bas júldesin jeńip aldy.
2016 jyly «1941. Brest qamaly. Qazaqstan» kitabynda alǵash ret Brest qamalyn qorǵaǵan qazaqstandyqtardyń tizimi jarııalandy. Kitaptyń avtory – tarıh ǵylymdarynyń doktory, Ál-Farabı atyndaǵy QazUÝ ıÝNESKO, halyqaralyq jýrnalıstıka jáne qoǵamdaǵy medıa kafedrasynyń professory Láılá Ahmetova.
2016 jyly Ystanbulda ıÝNESKO Dúnıejúzilik mura komıtetiniń otyrysynda Tıan-Shan (Qazaqstan, Qyrǵyzstan, Ózbekstan) Dúnıejúzilik muralar tizimine kirgizildi.
2017 jyly Ońtústik Koreıada Áskerı teńiz akademııasynda bilim alyp júrgen Qazaqstan kýrsanty Baqtııar Kúıken Koreıanyń Chındjý qalasynda ótken áýesqoı boksshylar arasyndaǵy jarysta altyn medalǵa ıe boldy. Sportshy eki aıqasta 3:0 esebimen jeńiske jetip, bireýi tehnıkalyq nokaýtpen aıaqtaldy, al endi birinde qarsylas jekpe-jekke shyǵýdan bas tartty.
2017 jyly Qyzylorda shekara jasaǵynyń «Qyzylqum» shekara zastavasyna erligimen esimi elge tanylǵan Janqoja batyrdyń aty berildi.
2018 jyly qazaqstandyq sýretshi, ATOM jobasynyń qurmetti elshisi Káripbek Kúıikov Halyqaralyq «ıAdrosyz bolashaq úshin» syılyǵynyń laýreaty atandy. Tabystaý rásimi qazan aıynda Zaltsbýrgte ótti (Avstrııa).
2019 jyly Kókshetaýda Qazaqstandaǵy qyzmettik mindetin atqarý kezinde mert bolǵan jalǵyz polıtseı-áıel, Aqmola oblystyq ІІB medıtsına qyzmetiniń bastyǵy ishki qyzmet podpolkovnıgi Botagóz Bıjanovaǵa memorıaldyq taqta ashyldy.Ol qyzmettik mindetin atqarý kezinde mert bolǵan.
2021 jyly Kókshetaýda belgili Keńes jáne Qazaqstan psıhology, professor Mars Sýbhanqulovtyń qurmetine memorıaldyq taqta ashyldy. Onyń «Baqyt - bul sen jáne ómiriń, ol qaıtalanbaıdy» degen sózderi jazylǵan belgi 1935 jyldan beri turǵan úıine qoıyldy.
