18-shi Shanhaı halyqaralyq kınofestıvali óz máresine jetti
ASTANA. QazAqparat - Túrli atalymdardaǵy «Altyn kýboktar» óz ıelerin tapqannan keıin 18-shi Shanhaı halyqaralyq kınofestıvali jabyldy.
Úzdik fılm úshin «Altyn kýbokty» birlesken frantsýz-belgııalyq «Túngi qaraýyl» (The Night Watchman) lentasy aldy. Qytaıdyń «Tuıyq» (The Dead End) fılmi birneshe nagradaǵa ıe boldy: rejısser Tsao Baopın úzdik rejısser atansa, úzdik er adam rólin somdaǵany úshin syılyǵyn akterler Den Chao, Dýan Ihýn jáne Go Tao bólisti.
Qazylyqqa tóraǵa bolǵan reseılik rejısser Andreı Zvıagıntsev fılmderdi baǵalaǵanda, olardyń kórkemdigine basa mán berilgendigin aıtty, dep habarlaıdy Sınhýa.
